HAZY LIFE

မေး။ ။ ဦးဇင်းဘုရား လူတွေတော်တော်များများ ပြောနေကြပါတယ်ဘုရား။ တပည့်တော်လည်း အကျယ်တ၀င့်သိလို့ပါ၍ သနားဂရုဏာထားပြီး ဖြေကြားပေးတော်မူပါဘုရား။ ၀ိဇ္ဖာသုံးပါး၊ ၀ိဇ္ဖာရှစ်ပါး၊ စရဏတစ်ဆယ့်ငါးပါးကို တပည့်တော် သိလိုပါ၍ ရိုသေစွာလျှောက်ထားအပ်ပါသည်ဘုရား။ ဦးဇင်း စိတ်ချမ်းသာကိုကျန်းမာပြီး ဘာသာသာသနာအကျိုးတွေ ဒီထက်မကဆောင်ရွက်နိုင်ပါစေဘုရား။

တင်လွန်း၊ မလေးရှား။


ဖြေ။ ။ မြတ်ဗုဒ္ဓ၏ ဂုဏ်တော်(၁၀)ပါးတွင် တစ်ပါးဖြစ်သည့် ၀ိဇ္ဇာစရဏသမ္ပန္နဂုဏ်တော်များ၌ ပါဝင်တဲ့ 

ဝိဇ္ဇာ(၃)ပါးဆိုသည်မှာ

၁။ ပုဗ္ဗေနိဝါသဉာဏ်-ရှေးဖြစ်ခဲ့သော ဘ၀ပေါင်းများစွာကို ပြန်လည်မှတ်မိကြည့်ရှု့မြင်နိုင်ခြင်း။

၂။ ဒိဗ္ဗစက္ခုဉာဏ်-နတ်မျက်စိကဲ့သို့ အဝေးကိုဖောက်ထွင်းမြင်နိုင်ခြင်း။

၃။ အာသ၀က္ခယဉာဏ်-ကိလေသာများ ကုန်ခန်းခြင်းတို့ ဖြစ်ပါတယ်။

တဖန် ၀ိဇ္ဇာ(၈)ပါးဆိုသည်မှာ

အထက်ပါ ၀ိဇ္ဇာသုံးပါးနှင့်

၎။ ဣဒ္ဓိဝိဓဉာဏ်-တန်ခိုးအမျိုးမျိုး ဖန်ဆင်နိုင်းခြင်း။

၅။ ဒိဗ္ဗသောတ-နတ်နားကဲ့သို့ အဝေးမှအသံမှားကို ကြားနိုင်ခြင်း။

၆။ စေတောပရိယဉာဏ်-သူတစ်ပါးစိတ်အကြံကို သိနိုင်ခြင်း။

၇။ ၀ိပဿနာဉာဏ်-ရုပ်နာမ်တရားတို့ကို လက္ခဏာရေးသုံးပါးဖြင့် မြင်နိုင်ခြင်း။

၈။ မနောမယိဒ္ဓိဉာဏ်-စိတ်လိုရာကိုသိနိုင်ခြင်းတို့ ဖြစ်ပါတယ်။

တခါ စရဏ(၁၅)ပါးဆိုသည်မှာ

၁။ သံဝရသီလ-သီလတရားကို ကောင်းစွာထိန်းခြင်း။

၂။ ဣန္ဒြိယသံဝရ-မျက်စိစတဲ့ဣနြေ္ဒကို စောင့်ထိန်းခြင်း။

၃။ ဘောဇနမတ္တညုတာ-အစားအသောက်ကို မျှတစွာသုံးဆောင်ရန်သိခြင်း။

၎။ ဇာဂရိယာနုယောဂ-နိုးကြားမှုရှိခြင်း။

၅။ သဒ္ဓါ-သဒ္ဓါတရားရှိခြင်း။

၆။ သတိ-သတိတရားရှိခြင်း။

၇။ ဟီရိ-မကောင်းမှုလုပ်ရမှာ ရှက်ခြင်း။

၈။ သြတ္တပ္ပ-မကောင်းမှုလုပ်ရမှာ ကြောက်လန့်ခြင်း။

၉။ ဗာဟုဿစ္စ-ဗဟုသုတ အကြားအမြင်ရှိခြင်း။

၁၀။ ၀ီရိယ-လုံ့လရှိခြင်း။

၁၁။ ပညာ-ကောင်းသောပညာရှိခြင်း။

၁၂။ ပထမဈာန်

၁၃။ ဒုတိယဈာန်

၁၄။ တတိယဈာန်

၁၅။ စတုတ္ထဈာန်

တို့ဖြစ်ပါတယ်။

ဒီလောက်ဆို ရှင်းလိမ့်မယ်ထင်ပါတယ်။ ဒါနဲ့ တချို့က မြတ်ဗုဒ္ဓဂုဏ်တော် ဘုရားဂုဏ်တော်ဟာ(၉)ပါးပဲ ရှိတယ်လို့ ထင်နေကြပါဦးမယ်။ တကယ်တော့ ဘုရားဂုဏ်တော်က (၁၀)ပါးရှိကြောင့် ကျမ်းဂန်များတွင် လာရှိပါတယ်။ ဒါကို ဗေဒင်ဝိဇ္ဇာသမားတွေက လူတွေဟာ ကိုးဂဏန်းဆို အသေကြိုက်တယ်ဆိုပြီး လူတွေအား လိမ်လို့ညာလို့ကောင်းအောင် ဘုရားဂုဏ်တော်ကိုးပါးဆိုပြီး စာများရေးသားခြင်း၊ ဟောပြောပေးခြင်း များ ပြုလုပ်ရာမှ နောက်ပိုင်းတွင် ဘုရားဂုဏ်တော်ဟာ(၉)ပါးပဲရှိတယ်လို့ ထင်မြင်လာကြပါတယ်။

ဘုရားဂုဏ်တော်(၁၀)ပါးမှာ

၁။ အရဟံ-ကိလေသာကင်းတော်မူသော မြတ်စွာဘုရား။

၂။ သမ္မာသမ္ဗုဒ္ဓေါ-သိစရာအားလုံးကို ဆရာမကူ ကိုယ်ပိုင်ဉာဏ်ဖြင့် သိတော်မူသော မြတ်စွာဘုရား။

၃။ ၀ိဇ္ဇာစရဏသမ္ပန္နော-၀ိဇ္ဇာသုံးပါး ၀ိဇ္ဇာရှစ်ပါး စရဏဆယ့်ငါးပါးတို့နှင့် ပြည့်စုံတော်မူသော မြတ်စွာဘုရား။

၎။ သုဂတော-ကောင်းသောစကားကိုသာ ဆိုတော်မူတတ်သော မြတ်စွာဘုရား။

၅။ လောက၀ိဒူ-သတ္တလောက၊ သင်္ခါရလောက-သြကာသလောကဆိုတဲ့ လောကသုံးပါးကို သိမြင်တော်မူသော မြတ်စွာဘုရား။

၆။ အနုတ္တရော-အတုမရှိသောဂုဏ်အပေါင်းနှင့် ပြည့်စုံတော်မူသော မြတ်စွာဘုရား။

၇။ ပုရိသဒမ္မသာရထိ-လူနတ်ဗြဟ္မာသတ္တ၀ါတို့ကို ဆုံးမတော်မူတတ်သော မြတ်စွာဘုရား။

၈။ သတ္ထာဒေ၀မနုဿာနံ-လူနတ်တို့ရဲ့ ဆရာတစ်ဆူဖြစ်တော်မူသော မြတ်စွာဘုရား။

၉။ ဗုဒ္ဓေါ-သစ္စာလေးပါးကို သိမြင်တော်မူသော မြတ်စွာဘုရား။

၁၀။ ဘဂ၀ါ-မိမိစိတ်ကိုအစိုးရခြင်း၊ ဉာဏ်ပညာနှင့်ပြည့်စုံခြင်း၊ အခြံအရံပေါများခြင်း၊ ကျက်သရေမင်္ဂလာနှင့်ပြည့်စုံခြင်း၊ အလိုရှိရာ ပြည့်စုံတော်မူခြင်း၊ အားလုံးလနှင့်ပြည့်စုံတော်မူခြင်းဆိုတဲ့ ဘုန်းတော်ခြောက်ပါးနှင့်ပြည့်စုံတော်မူသော မြတ်စွာဘုရား။

ဒီ(၁၀)ပါးမှ နံပါတ်(၆)နှင့်(၇)ကို တစ်ပါးတည်းပေါင်းပြီး အနုတ္တရောပုရိသဒမ္မသာရထိလို့ ပေါင်းယူ၍ လူတွေကိုးဂဏန်းယုံကြည်မှုကြောင့် ဘုရားဂုဏ်တော်(၁၀)ပါးကနေ (၉)ပါး ဖြစ်သွားရပါတယ်။

ဒါ့ကြောင့် မိမိက လာဘ်လာဘပေါလို၍လည်းကောင်း၊ စိတ်တည်ငြိမ်မှုဖြစ်အောင်လည်းကောင်း၊ ၀ိပဿနာကိုတိုက်ရိုက်ရှု့မှတ်ရန် မလုပ်နိုင်သေးလို့ သမထပွားခြင်းရင်လည်းကောင်း ပုတီးစိပ်တဲ့အခါ ဘုရားဂုဏ်တော်(၁၀)ပါးကို ပါဠိမြန်မာနှစ်ဘာသာရွတ်ဆိုခြင်းဖြင့် ပြုလုပ်ဆောင်ရွက်မှသာ အကျိုးပေးထူးပါလိမ့်မယ်။ ဒါမှလည်း မှန်ကန်တဲ့နည်းစနစ်ကြောင့် အကျိုးပေးဟာ အပြည့်အ၀ရမှာပါ။ ဦးဇင်းတို့ ဗုဒ္ဓဘာသာများဟာ ကောင်းမှုလုပ်သလောက် အကျိုးပေးတွေ နည်းနေတာဟာလည်း မိမိလုပ်တဲ့ကောင်းမှုများဟာ နည်းစနစ်မှန်လား မှားလားဆိုတာကို သေချာကျနစွာ နားမလည်၍ သေချာမပြုလုပ်သောကြောင့်ပါ။

ဦးဇင်းလည်း ဒီအကြောင်းကို ရေးပြောချင်နေတာ ကြာပါပြီ။ ဒါပေမဲ့ စာရေးလိုက်တိုင်း ဟိုဟာရေးရမလို ဒါရေးရမလို ဖြစ်နေပါတယ်။ ဗုဒ္ဓဘာသာလူမျိုးများအတွက် ပညာပေးဗဟုသုတများ ဘာတွေလိုအပ်သလဲ။ ဘာတွေရေးရင် ကောင်းမလဲလို့ ဘလော့တင်တဲ့အခါ၊ ဂျာနယ်မှာဆောင်းပါးရေးတဲ့အခါတိုင်းမှာ စဉ်းစားနေရပါတယ်။ ဒီအကြောင်းကိုလည်း ရေးမယ်လို့စိတ်ကူးပေါ်လာတဲ့အခါ မရေးဖြစ်ဘဲ မေ့မေ့နေတဲ့အတွက် ခုမှပဲ ရှင်းပြရေးသားပေးလိုက်ပါတယ်။ အားလုံး ဗဟုသုတအသိဉာဏ်များ တိုးပွားကြပြီး ကောင်းမှုတရားများ၌ ပျော်မွေ့ကြပါစေ။

အရှင်ကောမလ(ခ)ဆန်နီနေမင်း

Leave a Reply