HAZY LIFE

ကျွန်တော် ဟိုးငယ်စဉ်ဘ၀တည်းက ကြားကြားနေတာပါ... ပတ်ဝန်းကျင်မှာလဲပြောတယ်... အိမ်မှာလည်းပြောတယ်... ကျောင်းမှာလည်းပြောကြတယ်... စာချိုးလိုလို ကဗျာလိုလို စကားလေးတစ်ခွန်းပါ... အဲဒါက ဘာလဲဆိုတော့...

မွေးနေ့ သောကြာ... တနင်္လာ... ကေသာဆံသ မပြုရ... ဆိုတဲ့စကားလေးပါ...

ကျွန်တော်လည်း ကလေးဘ၀ လူငယ်ဘ၀တုန်းကဆိုတော့ အဲ့ဒီစာချိုးလေးအတိုင်းပေါ့... ကိုယ့်မွေးနေ့ရယ် (အင်္ဂါနေ့)... သောကြာနေ့ရယ်... တနင်္လာနေ့ရယ်... အဲ့ဒီသုံးရက် ဆံပင်မညှပ်ဘူးပေါ့... ငယ်ငယ်တုန်းကတော့ ဘာကြောင့်လဲမစဉ်းစားဘူးလေ... အဲလိုတွေ လုပ်ရင် ငရဲကြီးမလိုလို... မလုပ်မိရင် ကုသိုလ်ပဲဖြစ်မလိုလိုကြီးကိုး... အဲဒီတော့ အဲ့ဒီ ၃ရက် ဆံပင်လုံးဝမညှပ်ဘူး... အကုသိုလ်ဖြစ်မှာကြောက်တာကိုး... အဲလိုနဲ့ မသိလိုက်မသိဖာသာ နေလာလိုက်တာတော်တော်စာဖတ်သန်တဲ့ လူတစ်ယောက်နဲ့သွားတွေ့တယ်... သူကလည်း လုံးဝ သီအိုရီသမား... ကျွန်တော်ကလည်း ဟိုလိုလို ဒီလိုလို လက်တွေ့သမား... ငြင်းကြပါလေရောပေါ့... စငြင်းငြင်းချင်းပဲ ကျွန်တော်ငိုင်သွားတယ်... သူပြောတာက စည်းကိုက်ဝါးကိုက်ကိုး... ကျွန်တော့မှာက ပြန်ချေပစရာဆိုလို့...
အိမ်က ဆွေမျိုးတွေ ခေါ်ပြပြီး ကျွန်တော်ပြောတာ ဟုတ်ပါတယ် အတင်းခေါင်းငြိမ့်ခိုင်းမှပဲရတော့မှာ... သူပြောတာလေးကို ကျွန်တော်အခုထိ မှတ်မိနေပါသေးတယ်... အဲ့ဒီစာချိုးရဲ့ အဓိပ္ပါယ်ကို သူရှင်းပြ သွားတာလေးက လွယ်လွယ်လေးပါ...

မွေးနေ့မွေးနံ သောကြာသားတွေဟာ တနင်္လာနေ့မှာ ဆံပင်ညှပ်တာတွေ ဘာတွေမလုပ်ရဘူးတဲ့... ဘာလို့လဲဆိုတော့ မြတ်စွာဘုရားက သောကြာနေ့သား... ဘုရားအဖြစ်ဆုပန်ပြီး ဆံတော်ပယ်တဲ့နေ့က တနင်္လာနေ့.. အဲဒါကြောင့် အဲ့ဒီနေ့တွေမှာ လူတွေ လိုက်လုပ်တာ မသင့်တော်မှာစိုးလို့ အဲ့ဒီစာချိုး ဖြစ်လာတာတဲ့... နောက်ပြီးသူက ထပ်ပြောသွားသေးတယ် အလကားတွေပါကွာ တဲ့...

အဲ့ဒီ အလကားတွေပါကွာ ဆိုတဲ့စကားကို အဲ့ဒီအချိန်ကစပြီး နားမလည်လာလိုက်တာ အခုလက်ရှိအသက် မရောက်ခင် ၂ နှစ်အလိုအထိပဲဆိုပါတော့... အဲ့ဒီ စကားကို စာဖတ်နေတဲ့ ပရိတ်သတ် အားလုံးလည်း အပြည့်အ၀နားလည်နိုင်မယ်လို့ ကျွန်တော်မယူဆပါဘူး... ဘာလို့လဲဆိုတော့ အရင်တုန်းက ကျွန်တော့်လို အယူအစွဲများပြီး ဟိုလိုလို ဒီလိုလို လူတွေကတော့ နားလည်ဦးမယ် မထင်ပါဘူး...

ကျွန်တော်လည်း အဲ့ဒီနေ့ကတည်းက အဲ့ဒီကိစ္စလေးကို စာတတ်ပေတတ်တွေအနား လိုက်ကပ်မေးလာလိုက်တာ တကယ့် စာဖတ်အားကောင်း ပညာတတ်တဲ့ ပုဂ္ဂိုလ်တွေ တော်တော်များများ ပြောမှပဲ ယုံတော့တယ်...

မကောင်းတဲ့အစွဲဆိုတာ တော်တော်ချွတ်ရခက်တာပဲကိုး...


အားလုံးကိုကျေးဇူးတင်ပါတယ်...

ဇင်မျုိး...

Leave a Reply