HAZY LIFE

နိဿရဏဋ္ဌောဆိုတာ ၀ဋ် သုံးပါး ကျွတ်လွတ်တဲ့ အနက်သဘော။ ဒီ ၀ဋ်သုံးပါးမှ ကျွတ်လွတ်ရာဌာနကို နိရောဓသစ္စာ(နိဗ္ဗာန်)လို့ ခေါ်တယ်။ ၀ဋ်လည်တာသိမှ ၀ဋ်ကျွတ်ချင်မှာ ဖြစ်သောကြောင့် ၀ဋ်လည်နေတာကို ရှေးဦးစွာဟောပြောရမယ်။

အ၀ိဇ္ဇာနဲ့ တဏှာကို ကိလေသ၀ဋ်လို့ ခေါ်တယ်။ ကုသိုလ်ကံနဲ့ အကုသိုလ်ကံကို ကမ္မ၀ဋ်လို့ခေါ်တယ်။ ၀ိပါက၀ဋ်ဆိုတာကတော့ ရုပ်နာမ်ခန္ဓာလို့ မှတ်ထားပေါ့။ ကိလေသ၀ဋ်ကြောင့် ကမ္မ၀ဋ်ဖြစ်တယ်။ ကမ္မ၀ဋ်ကြောင့် ၀ိပါက၀ဋ်ဖြစ်တယ်။ ပါဠိလို ၀ဋ္ဋ၊ မြန်မာလို ၀ဋ်ဆိုတာ လုံးနေတာ၊ လည်နေတာ၊ ၀ိုင်းနေတာကို ခေါ်တယ်။ (၁) ကိလေသ၀ဋ်က (၂) ကမ္မ၀ဋ်ဖြစ်။ (၂) ကမ္မ၀ဋ်က (၃) ၀ိပါက၀ဋ်ဖြစ်တယ်။ အခု ခင်ဗျားတို့က ၀ိပါက၀ဋ်ထဲမှာ ရောက်နေတယ်။ တစ်ဖန် ၀ိပါက၀ဋ်ထဲကနေပြီး ကိလေသ၀ဋ်ပြန်သွားဦးမယ်ဆိုရင် ကမ္မ၀ဋ်လာတော့မှာဘဲ။ ကမ္မ၀ဋ်ဖြစ်ရင် နောက်ဘ၀ဆိုတဲ့ ၀ိပါက၀ဋ်ထဲ ရောက်ဦးမှာပဲ။ ဒီတော့ သြော် ...... ၀ဋ်ဆိုတာ ဒီလိုလည်တာကို ဆိုတာပဲ။ ခြေမပါ လက်မပါတာကို ဆိုတာမဟုတ်ဘူး။ အခု ငါတို့ ၀ိပါက၀ဋ်ထဲ ရောက်နေပါလားလို့ သိထားရမယ်။ အခု ခင်ဗျားတို့ လူဖြစ်နေတာဟာ ကံကောင်းလို့ လူဖြစ်နေတာ မဟုတ်ဘူး။ ဒါ ၀ဋ်သင့်နေတာ။ ခင်ဗျားတို့က လူဟာ ၀ဋ်ကောင်ဆိုတာကို မရိပ်မိသေးဘူး။ ခင်ဗျားတို့ အခုနေတဲ့ ရုပ်နာမ်ခန္ဓာဟာ သစ္စာနဲ့
ဖွဲ့ကြည့်တော့ ဒုက္ခသစ္စာပဲ။ ဒါဖြင့် ဒုက္ခ၀ဋ် မကျွတ်သေးဘူးပေါ့။ နောက်က ကိလေသ၀ဋ် ကမ္မ၀ဋ်တို့က ပြုပြင်စီမံလိုက်တဲ့ ဒီရုပ်နာမ်ခန္ဓာကြီးထဲမှာ အို-နာ-သေတွေပါနေတယ်။ ပါနေတော့ ဒုက္ခသစ္စာလည်း ဟုတ်တယ်။ အသုဘကောင်ကြီးလည်းဟုတ်တယ်။ ဒီတော့ ဒီ “အို-နာ-သေ ရုပ်နာမ်ခန္ဓာကြီး၊ အသုဘခန္ဓာကြီးကို ခင်ဗျားတို့ ဘယ်သွားသွား ထမ်းသွားနေရတော့ ဒါဝဋ်ကြီးလိုက်နေတာ။ ဒီ ရုပ်နာမ်ခန္ဓာဝန်ကြီးကို ထမ်းထမ်းသွားနေရတော့ ခင်ဗျားတို့ဟာ ၀န်ထမ်းသမားသက်သက်ပဲ။ ဒီဝန်ကြီးကို မချနိုင်သေးဘူး။ ဒီခန္ဓာကြီးကို အခုလဲ ထမ်းကောင်းတုန်းပဲ။ နောင်လဲ တောင်ဝှေးထောက်ပြီး ထမ်းရဦးမှာပဲ။ နောက် ....လေးဘက်ထောက်သွားပြီးတော့လဲ ထမ်းရဦးမှာပဲ။ ဒီလို အိုတတ် နာတတ် သေတတ်တဲ့ ခန္ဓာကြီးကို သွားလေရာထမ်းသွားနေရာတာဟာ အရိယာမျက်လုံး၊ သမ္မာဒိဋ္ဌိမျက်လုံးနဲ့ကြည့်ရင် ၀ဋ်ကောင်ကြီးအစစ်ပဲဆိုတာ မြင်ရတာပဲ။”
ခင်ဗျားတို့က “ခွေးနာ လည်ပတ်ကြီး” မြင်မှ “၀ဋ်ခွေးကြီး”လို့ထင်တယ်။ ခြေမပါ၊ လက်မပါ၊ မျက်စိတစ်ဖက်မပါ နူနာကျိုးကန်းတွေမြင်မှ ၀ဋ်ကောင်လို့ထင်နေတယ်။ မဟုတ်ဘူး။ ခင်ဗျားတို့လည်း ၀ဋ်ကောင်ပဲ။ ၀ဋ်ကောင်မှ ၀ဋ်ကောင်အစစ်။ အခု ခင်ဗျားတို့ ၀ိပါက၀ဋ်ထဲရောက်နေတော့ ခင်ဗျားတို့ခန္ဓာကြီးဟာ ၉၆-ပါး ရောဂါဝေဒနာတွေ လာပြန်ရင်လဲ ဒီခန္ဓာကြီးက အကုန်လက်ခံရတယ်။ ဒီ ခန္ဓာကြီးထဲမှာ ဘယ်တော့မှ အနာရောဂါမကင်းဘူး။ ထမင်းဆာတဲ့ရောဂါ၊ ရေဆာတဲ့ရောဂါ၊ ကျင်ကြီး ကျင်ငယ်စွန့်ရတဲ့ရောဂါ၊ အအေးဒဏ်အပူဒဏ်ခံရတဲ့ရောဂါ စသည်ဖြင့် အနာရောဂါတွေဟာ ခန္ဓာကိုယ်ထဲမှာ တစ်ပုံကြီးရှိတယ်။

ဒီခန္ဓာဝဋ်ကြီးရထားတော့ ဘယ်နေရာမှ စိတ်တိုင်းကျ ကိုယ်တိုင်းကျ နေလို့ရသတုံး၊ မရဘူး။ ညောင်းညာကိုက်ခဲစတဲ့ရောဂါတွေနဲ့တွေ့ရ၊ ဘေးဥပါဒ်အန္တရာယ်အမျိုးမျိုးနဲ့တွေ့ရ။ ဒီခန္ဓာကြီး ကျွေးမွေးဖို့အတွက် ဆင်းရဲဒုက္ခတွေ အမျိုးမျိုးနဲ့ကြုံရတော့၊ ဒီခန္ဓာကြီးရထားတာဟာ တကယ့်ကိုဝဋ်သင့်နေတာပဲ။ ဘယ်တော့မှ စိတ်ချမ်းသာ၊ ကိုယ်ချမ်းသာနဲ့ နေရတယ်မရှိဘူး။ ဒါကြောင့်
ဒီခန္ဓာကြီး ရထားတဲ့ပုဂ္ဂိုလ်ဟူသရွေ့ ၀ဋ်ကောင်ကြီးပဲလို့ ဆုံးဖြတ်။
ခင်ဗျားတို့ အခု ၀ဋ်ထဲရောက်နေတယ်။ ၀ိပါက၀ဋ်ထဲရောက်နေတယ်။ ဒီ ၀ဋ်က ဘယ်တော့မှ ကျွတ်မှာတုံးဆိုတော့ဟောဒီ အ၀ိဇ္ဇာ တဏှာဆိုတဲ့ ကိလေသ၀ဋ်ကို ဖြတ်နိုင်တဲ့ မဂ်ဉာဏ်ဖိုလ်ဉာဏ် မရသေးသရွေ့ ဒီဝဋ်က ဘယ်တော့မှ မကျွတ်ဘူး။ ကိလေသ၀ဋ် မချုပ်သေးသရွေ့ ကမ္မ၀ဋ်ဆက်ဖြစ်နေမှာပဲ။ ကမ္မ၀ဋ်မပြတ်သရွေ့ ၀ိပါက၀ဋ်ကတော့ဆက်ဖြစ်နေမှာပဲ။ ဒီတော့ ခင်ဗျားတို့မှာ ကံကစီမံသလိုခံရတော့ ရောဂါမျိုးစုံပေါက်လာပြီး “ကံနာဝဋ်နာ” သင့်နေတာပဲ။
ကိလေသာစီမံသလိုလဲ ခံနေရတယ်။ အင်း ...... အ၀ိဇ္ဇာ တဏှာဆိုတဲ့ ကိလေသာကခိုင်းလိုက် စီမံလိုက်ပြန်ရင်လဲ၊ ဒီရုပ်နာမ်ခန္ဓာကြီးဟာ မသွားမလာပဲ နေလို့မရဘူး။ မငြင်းဆန်ရဲဘူး။ ကိလေသာ စေခိုင်းရာလုပ်ရတယ်။ လုပ်ရတော့ သူဟာ“ကျွန်ဝဋ်ကောင်”ပဲ။ ဒီ ၀ဋ်သုံးပါး တစ်ပါးပါးက စီမံလိုက်တော့ ခံရတာပဲ။ ဒါဖြင့် ကျွန်ဝဋ်ကောင်ပေါ့။ ၀ဋ်ကျွတ်ကြောင်းတရားက
မရသေးတော့ ၀ဋ်မကျွတ်သေးဘူးပေါ့။ အခု ကိုယ့်အဖြစ်ကိုယ် သိပြီလား။

ဒီတော့ ကိလေသ၀ဋ်မချုပ်သရွေ့၊ ကမ္မ၀ဋ်မချုပ်သရွေ့ ၀ိပါက၀ဋ်(အကျိုးပေးဝဋ်)တော့ ခံရမှာပဲ။ ဒါဖြင့်
ကိလေသ၀ဋ်ဖြတ်မှပဲ။ ဒါဖြတ်မှ ကမ္မ၀ဋ်ပြတ်မယ်။ ကမ္မ၀ဋ်ပြတ်မှ ဒီ ၀ိပါက၀ဋ်က ကျွတ်မှာ။ အခု
ဝိပါက၀ဋ်ထဲရောက်နေတုန်းမှာ ဒီ ကိလေသ၀ဋ်ပြန်ပေါက်ရင် နောက် ဒီ ၀ိပါက၀ဋ်ကြီးမျိုး ပြန်ရဦးမှာပဲ။ အခုခင်ဗျားတို့မှာအ၀ိဇ္ဇာတဏှာဆိုတဲ့ ကိလေသ၀ဋ်တွေ ပေါက်ပွားပြန်နေတယ်။ ဒီတော့ ဒီအ၀ိဇ္ဇာတဏှာ ခိုင်းသမျှ လုပ်နေကြရတယ်။အ၀ိဇ္ဇာတဏှာကလဲ ခင်ဗျားတို့ကို မဟုတ်မတရားဟောပြီး ကံတွေတွန်းလုပ်ခိုင်းတာပဲ။အ၀ိဇ္ဇာက မင်းဟာ လူထဲမှာ စီးပွားဥစ္စာရတနာအားဖြင့် အမျိုးအားဖြင့် ရုပ်ရည်အားဖြင့် ညံ့သေးတယ်လို့ဟောလိုက်တော့၊ တဏှာက ဒီထက်ကောင်းတာ ရချင်တယ်ဆိုတာ လာတယ်။ မင်းဟာ သူများကိုကြည့်။ သူများတွေ တိုက်နဲ့ကားနဲ့ နေရတယ်။ မင်းဖြစ်တွေက ညံ့သေးတယ်လို့ မိစ္ဆာဉာဏ် အ၀ိဇ္ဇာက ဟောလိုက်တယ်။ ဟောတော့ သူတို့လို ကြီးပွားချင်တဲ့
တဏှာက ကပ်ပါလာတယ်။ ဒီ အ၀ိဇ္ဇာတဏှာက ကိလေသ၀ဋ်ပေါက်ပွားတော့ ကာယကံ ၀စီကံ မနောကံနဲ့ ကြိုးစားလိုက်ရင် ဒါကမ္မ၀ဋ် လာပြီပေါ့။ ကမ္မ၀ဋ်ဖြစ်တော့ ဒီမှာ စုတိမနေသေလွန်ရင် ၀ိပါက၀ဋ်ဆိုတဲ့ ရုပ်နာမ်ခန္ဓာကြီး ပေါ်မယ်။ အခုတစ်ပါတ်ရပြီမဟုတ်လား။

အခု ခင်ဗျားတို့ ၀ိပါက၀ဋ်ထဲမှာ ရောက်နေကြတယ်။ ဒီ ၀ိပါက၀ဋ်ထဲကနေပြီး တခါလူချင်းတူတူ သူချင်းမျှမျှဖြစ်ချင်တာ။ နတ်ချင်းတူတူ နတ်ချင်းမျှမျှ ဖြစ်ချင်တာဆိုတော့ ခုနက ကံတွေလုပ်တယ်။ ဒီ ခန္ဓာထဲ ပေါက်ပွားလာတဲအ၀ိဇ္ဇာတဏှာက တရားဟောတာနဲ့ဒီကုသိုလ်အကုသိုလ်ကံတွေလုပ်ဖြစ်ကြတယ်။ ကမ္မ၀ဋ်လုပ်ပြန်တော့ ဒီဝိပါက၀ဋ်ရောက်ပြန်တာပဲ။ ဒါဖြင့် ၀ိပါက၀ဋ်ထဲမှ ကိလေသ၀ဋ်ပေါက်ပွားတယ်။ ကိလေသ၀ဋ်ပေါက်ပွားလို့ ကမ္မ၀ဋ်လုပ်ဖြစ်တယ်။ ကမ္မ၀ဋ်လုပ်ဖြစ်တော့ နောင်ဘ၀ဆိုတဲ့ ၀ိပါက၀ဋ် လာရမှာပဲ။ နောင်ဘ၀ ၀ိပါက၀ဋ်လာရင် ဒီအထဲကကိလေသ၀ဋ်ပေါက်ပွားဦးမှာပဲ။ ဒီတော့ ခင်ဗျားတို့မှာ ထွက်ပေါက်ကိုမရှိဘူး။ အ၀ိုင်းပြေးပဲ ပြေးနေရတယ်။ တသံသရာလုံး ဒီအ၀ိုင်းပြေး ပြေးနေတယ်။ အ၀ိုင်းပြေး ပြေးနေတော့ နားခွင့်ပါသေးလားဆိုတော့ မပါဘူး။ တပြေးထဲ ပြေးနေတာပဲ။
ကရွတ်ကင်းလျှောက်သလို၊ တစ်ပတ်ပြီးတစ်ပတ်၊ အပတ်ပေါင်း မရေမတွက်နိုင်အောင် ပြေးနေရတယ်။ ဘယ်တော့ဆုံးမှာတုံး။ မဆုံးဘူး။ ဒါ တသံသရာလုံး နေခဲ့ရတာ။ ဘုရားတောင် အစ ရှာမတွေ့ဘူး။ ဒီလို ၀ိုင်းနေ-လည်နေ (ပတ်ပြေးနေ)တာ လူတစ်ယောက်၏အစရှာမတွေ့နိုင်ဘူး။ ၀ိုင်းနေတာတော့ ကြက်ဥလိုပဲ အစရှာမတွေ့ဘူး။ ဒီ အ၀ိုင်းဇာတ် အခုသတ်ရင်သတ်၊ မသတ်ရင် နောက် ဒီအ၀ိုင်း ဇာတ်သိမ်းဖို့ မမြင်တော့ဘူး။

ကဲ ... ၀ဋ်သုံးပါးကို ကိုယ်တိုင်လည်တတ်ပြီးလား။ ကိုယ်တိုင်လည်တတ်လို့ပဲ မူးနေလောက်ပြီမဟုတ်လား။ ဒီတော့ဒီဘ၀မှာ အလည်ရပ်ဖို့ အလုပ် လုပ်သင့်ပြီပေါ့။ အခုတော့ လည်တဲ့အလုပ်တွေပဲ ကြိုးစားနေကြတယ်။ အခုပဲဝိပါက၀ဋ်မကျွတ်ခင်က ကိလေသ၀ဋ်ကပ်နေပြီ။ ကိုယ့်အဖြစ်ကိုယ်မသိသေးတော့ လူဆိုတာ ဒီလိုလုပ်စားရတယ်။ မလုပ်ရင် ဘယ်လူဖြစ်ပါ့မလဲ။ လူအောက်ကျမှာပေါ့ဆိုပြီး၊ ခင်ဗျားတို့ “အ၀ိဇ္ဇာ”က တရားဟော။ “တဏှာ”က နာသမား။ ဟုတ်ထင်ပါရဲ့ဆိုပြီး ကံတွေလျှောက်လုပ်နေကြတာပဲ။ ကံလုပ်တော့ အကျိုးပေဦးမှာပဲဆိုပြီး လူ့နာမ်ရုပ်ကနေပြီး တိရစ္ဆာန် နာမ်ရုပ်လုပ်လိုက်တယ်။ တိရစ္ဆာန်နာမ်ရုပ်ဖြစ်တော့ တိရစ္ဆာန်အ၀ိဇ္ဇာနဲ့ တိရစ္ဆာန်တဏှာက လာပြန်တာပဲ။ ကိလေသ၀ဋ်ပေါက်ပွားနေပြန်တာပဲ။ ဒီတော့ ခင်ဗျားတို့ဟာ အ၀ိုင်းပြေးရပြီပေါ့။ အ၀ိုင်းပြေးရပေမယ့် ခင်ဗျားတို့ မမူးနိုင် မမိုက်နိုင်သေးဘူး။ ၀ိပါက၀ဋ်ထဲမှာ ကိလေသ၀ဋ် ကမ္မ၀ဋ်တွေ တည်ထောင်ပြန်တယ်။ လည်လက်စမသတ်ချင်လို့ လည်စရှိလည်ချင်လို့ပေါ့။ ဦးခေါင်းပြောင်းချင်တဲ့ သဘောပေါ့။ ဒီဝိပါက၀ဋ်လည်းကျွတ်ပါရော တခါတည်း တိရစ္ဆာန်ခေါင်းပြောင်းပြီးသွားရမှာပဲ။ ဒီဝဋ်လည်းကျွတ်ရော ခေါင်းပြောင်းထွက်သွားတယ်။
ဇာတ်တော်ထဲမှာပါတဲ့ ဥပရိမိဖုရားကြီးဟာ သေတော့ နောက်ချေးပိုး သွားဖြစ်တယ်။ နောက်ချေးပိုး ဘ၀ကနေပြီး ကိုယ့်ဟာကိုယ် စဉ်းစားစမ်း၊ တခါထဲ ကျောက်ခဲရေထဲချလိုက်သလို မြှုပ်သွားတာပဲ။ ပြီးတော့ ရှေးတုံးကအမေတစ်ယောက်ဟာသားကလေးခင်ပြီး သေသွားတာနဲ့ တောထဲမှာ ခွေးကြီးသွားဖြစ်တယ်။ လူ့ခေါင်းက ခွေးခေါင်းပြောင်းသွားတယ်။

သားကလေးခင်တဲ့ ကိလေသ၀ဋ်ကြောင့် စိုးရိမ်ကြောင့်ကြတဲ့ ကမ္မ၀ဋ်လုပ်လိုက်တော့ ကမ္မ၀ဋ်ရဲ့တန်ခိုးသတ္တိကြောင့်စုတေစိတ်ကျပြီး ခွေးကြီးသွားဖြစ်ရတယ်။ ခင်ဗျားတို့ကော ဒီလိုဖြစ်ချင်သလား။ မဖြစ်ချင်ဘူးတဲ့။ အပြောကတော့မဖြစ်ချင်ပေမယ့် အလုပ်ကတော့ဖြစ်ချင်တဲ့အလုပ် လုပ်နေတယ်။ ခင်ဗျားတို့ ခေါင်းပြောင်းချင်ကြသလား။
အခုခေါင်းနဲ့ပဲတော်ပြီးလား။ မပြောင်းချင်ဘူးတဲ့။ ဒါပေမယ့် ဘုန်းကြီးပြောတဲ့အလုပ်ကို မလုပ်ရင်တော့
မပြောင်းချင်လဲပြောင်းရမှာပဲ။

ဘုရားလက်ထက်က ဦးတိဿကြီးဟာ ဇေတ၀န်ကျောင်းမှာ သူ့သင်္ကန်းကိုစွဲတဲ့ ကိလေသ၀ဋ်ကြောင့်
သူ့သင်္ကန်းမှာ သန်းကြီးသွားဖြစ်တယ်။ ရဟန်းခေါင်းက သန်းခေါင်းသွားဖြစ်တယ်။ ခင်ဗျားတို့ ခေါင်းပေါ်ကသန်းတွေဟာဘယ်ကလာတယ်ထင်သတုံး။ ခင်ဗျားအပေါ်သံယောဇဉ်ဖြစ်ကြတဲ့ ဖိုးအေဖွားအေ အမေအဖေတွေက လာတာဗျ။ဓာတ်သဘာဝချည်း ထင်မနေနဲ့ဦး။ ခင်ဗျားတို့က မသိတော့ သန်းဥတွေကို တုပ်ရတာနဲ့ သန်းရှာလွင့်ပစ်ရတာနဲ့၊ အဖိုးအဖွား အမေအဖေကို ဖျက်ဆီးကြတယ်။ ခင်ဗျားတို့လည်း ဒီအတိုင်းပဲ။ အ၀ိဇ္ဇာနဲ့တဏှာ ချုပ်အောင်မလုပ်နိုင်ရင် ဒီလိုခင်တွယ်တဲ့
သားသမီးခေါင်းပေါ်သွားပြီး ပျော်ရဦးမှာပဲ။ ဒီတော့ ၀ဋ်ကျွတ်အောင်လုပ်ရင်လုပ်။ မလုပ်ရင် ခေါင်းပြောင်းရမှာတော့ သေချာပြီ။ပြုံးပြီးတော့မနေနဲ့တော့။ ပြုံးချိန်လည်းမရှိတော့ဘူး။ နက်ဖြန်ကံကုန်ရင် နက်ဖြန်ခေါင်းပြောင်းရမယ်။ သုတ္တနိပါတ်ထဲမှာလူတစ်ယောက်ဟာ သူ့မိန်းမကို စွဲလမ်းသေသွားတာနဲ့ သူ့မိန်းမအိမ်မှာ ခွေးသွားဖြစ်တယ်။ သူ့မိန်းမကို ခင်လို့ ခွေးသွားဖြစ်တာ။
ခွေးကသံယောဇဉ်ရှိလို့ သူသွားတိုင်း နောက်ကလိုက်နေတော့ သူ့မှာ ခွေးမုဆိုးမလို့ အခေါ်ခံရတဲ့အတွက် သူက ခွေးကိုတိတ်တဆိတ်သတ်ပစ်လိုက်တယ်။ အဲဒီတော့ သိပ်ပြီးကြွားမနေနဲ့။ ၀ဋ်ကျွတ်မှ ကြွားပါ။ အခုကြွားနေတာကတော့ ခဏလေးပဲ။ ခေါင်းမပြောင်းခင်ပါ။ တော်တော်ကြာ ဂျိုကြီးကားယားနဲ့ လာချင်လာမှာ။ အစွယ်ငေါငေါနဲ့ လာချင်လာမှာ။ ၀ဋ်မကျွတ်သရွေ့ စိတ်ချလက်ချနေတဲ့ပုဂ္ဂိုလ် ဟာ လောဘနဲ့ရူး၊ ဒေါသနဲ့ရူး၊ မောဟနဲ့ရူးတဲ့ လူပဲဖြစ်တယ်။ ဒီအရူးသုံးပါး တစ်ပါးပါးဖြစ်လို့သာခင်ဗျားတို့ ၀ဋ်မကျွတ်ချင်တာပဲ။ ခင်ဗျားတို့ဟာ လောကအနေနဲ့ လူကြီးလူကောင်းတွေပါပဲ။ ဒါပေမယ့် သစ္စာအနေနဲ့ပြောရရင်အ၀ိဇ္ဇာတဏှာချုပ်အောင် မလုပ်သရွေ့ ဥမ္မတ္တကအရူးပဲဖြစ်တယ်။ ဖြစ်ရင် စိတ်မချ ရဘူး။ ခေါင်းပြောင်းတာသူ့အလုပ်ပဲ။ ခေါင်းပြောင်းပြီးခွေးကြီးဖြစ်တော့ ကိုယ့်သားသမီးအရင်းရဲ့ အရိုက်ခံရမှာပဲ။ သူ့အမေခွေးဖြစ်မှန်းမသိလို့ ရိုက်တာ။ခွေးဖြစ်အောင်လုပ်တဲ့လူဟာ အရိုက်ခံရ တာနည်းသေးတယ်။ ခင်ဗျားတို့ အဖြစ်ဆိုးလွန်းလို့ ပြောတာ။ ခင်ဗျားတို့သားသမီးတွေအတွက် ကြပ်ကြပ်သတိထား။ သူတို့နဲ့ပါတ်သက်ပြီး ခွေးဖြစ်ရတဲ့ ၀တ္ထုပေါင်း အတော်များတယ်။အရူးမပြောက်သရွေ့ အ၀ိုင်းပြေးရုံပဲ။ ခေါင်းပြောင်းရုံးပဲ။ ဒီတော့ ခင်ဗျားတို့ အရူး ဗုံတီးမြှောက်တဲ့အလုပ်တွေ မလုပ်နဲ့တော့။
ကိုယ့်အရူးပျောက်အောင်လုပ်ကြ။ အရူးပျောက်ဖို့ရာ အ၀ိဇ္ဇာနဲ့တဏှာဆိုတဲ့ “ကိလေသာ အရူး”ကို မဂ်ဓားနဲ့ ဖြတ်ကြပေတော့။

မိုးကုတ် ဆရာတော်ဘုရားကြီး ၏ သြ၀ါဒတရားများ
(သစ္စာအနက် ၁၆-ချက်တရားတော်များမှ၊)

Leave a Reply