“မြန်မာကို ကမ္ဘာက လေးစားတာ သာသနာကြောင့်၊ ဒီသာသနာကို ကြည်ညိုလွန်းလို့ မြန်မာ ဦးဇင်းဖြစ်ချင်တဲ့ အရှင် သရဏ ကို သူပျော်သလောက်နေပါစေ” တဲ့၊ တိပဋိက ယောဆရာတော်က ပြောလိုက်တဲ့ စကားပါ။
ဒါဆို မြန်မာ ဦးဇင်းဖြစ်ချင်တဲ့ အရှင် သရဏဆိုတာ ဘယ်သူလဲ။

သူကတော့ ဟိုး အရှေ့ဥရောပက ကမ္ဘာကျော် ကတ္တီပါ တော်လှန်ရေးခေါင်းဆောင်ကြီး မစ္စတာ ဗားကလပ်ဗ် ဟာဗဲလ် ရဲ့ နိုင်ငံဖြစ်တဲ့ ချက်ရီပတ်ဗလစ် (Czech Republic) နိုင်ငံက ချက်လူမျိုး တဦးပါ။ ဗုဒ္ဓ ဘာသာကို ကြည်ညိုလွန်း လို့ ရှင် သာမဏေ အဖြစ်ခံယူခဲ့တယ်။ မြန်မာစာ မြန်မာယဉ်ကျေးမှုကိုလည်း အလွန် ချစ်မြတ်နိုး လို့ မြန်မာစာ၊ မြန်မာစကားကို လည်း တန်ဘိုးထား ပြောကြားတဲ့ သူပါ။

မကြာသေးခင် ရက်သတ္တပတ်ကမှ မြန်မာနိုင်ငံကို သွားရောက်ခဲ့ပြီး ဆရာတော် ဦးပညာဝံသကို ဥပဇ္ဈာယ် ဆရာ အဖြစ်ခံ ယူပြီး ဗုဒ္ဓဘာသာ ရှင်ရဟန်းဖြစ်လာတဲ့ အရှင် သရဏပါ။

သူဟာ မြန်မာ့မြေကို ခြေမခင်၊ ထေရ၀ါဒ ရဟန်းတပါးအဖြစ် မရခင်ကတည်းက မြန်မာစာ၊ မြန်မာစကား ကို ကောင်းမွန် ပိုင်နိုင်စွာ ပြောကြားနိုင်ရုံမကပါဘူး။ ချက်-မြန်မာ အဘိဓာန်စာအုပ်ကို လည်း ပြုစုထားနိုင် သူတဦးပါ။

အရှင် သရဏ ပြုစု ထားတဲ့ ချက်-မြန်မာ အဘိဓာန်စာအုပ်ဟာ ပထမဆုံးဖြစ်ပါလိမ့်မယ်။ ဒီအရင် ချက်-မြန်မာ အဘိဓာန်ဆိုတာ မကြားဖူးခဲ့ ပါဘူး။

သီရိလင်္ကာနိုင်ငံ..ကိုလံဘိုမြို့ မှာ နေထိုင်ပြီး ဗုဒ္ဓစာပေ၊ မြန်မာစာတွေ သူက လေ့လာခဲ့တယ်။ တခြား မြန်မာ အပါအ၀င် ဗုဒ္ဓဘာသာ ရှင်ရဟန်းတွေကို
သူက အင်္ဂလိပ်စာသင်ပေးတယ်။ သီရိလင်္ကာနိုင်ငံမှာ နေပြီး သီဟိုဠ် ဘာသာစာပေ၊ စကား လည်း သူက ကျွမ်းကျင်တယ်။ မြန်မာရဟန်းတော်တွေထံက မြန်မာစာ တတ်လာ ပြီး မြန်မာစာ မှာ တော်လွန်းလာတော့ နောက်ဆုံး သူဟာ ချက်-မြန်မာ အဘိဓာန်ကို ရေးသားပြုစုနိုင်ခဲ့ တာပါဘဲ။

အခုလို ချက်ရဟန်းတော် အရှင် သရဏဟာ မြန်မာနိုင်ငံကို ရောက်ပြီး သူ့ရင်ထဲက အဖြစ်ချင်ဆုံး ကို အခုလို ဖွင့်ဟ ထားပါ တယ်။

“လူ့ဘဝကို ရတာဟာ ဒုလဘ္ဘတရားဖြစ်တယ်။ ဦးဇင်း ငယ်ငယ်ကတည်းက သူများနားလည်ရင် ကိုယ် နားမလည်သေးဘူး။ခုလို ဗုဒ္ဓဘာသာဖြစ်လာဖို့ မြန်မာနိုင်ငံမှာ ရဟန်းဖြစ် ဖို့ အများကြီးကြိုးစား ခဲ့ရ တယ်။ မြတ်ဘုရား သာသနာမှာ လူဖြစ်ရတာ ဒီဘဝမှာတင် နိဗ္ဗာန်ရောက်အောင်ကြိုးစားရမယ်။ တန်အောင်ကြိုးစားရမယ်” လို့ အရှင်သရဏက ဆိုပါတယ်။

ဒါကြောင့် အရှင်သရဏက ၀ိပဿနာ တရား ဘာဝနာ ကျင့်ကြံပွားများ အားထုတ်ပုံကို အခု ရန်ကုန်မြို့မှာ စနစ်တကျ အနီးကပ် သင်ယူလေ့လာနေပါတယ်။ ၅ နှစ်ကြာရင်တော့ တောရပ်မှာသွားပြီး တရား ကျင့်ကြံ မှာ ဖြစ်ပါတယ်တဲ့။

ဖေ့ဘုတ်မှ ကူးယူဖော်ပြပါသည်...။

အရှင်အာနန္ဒာကား သာသနာ့သမိုင်းတွင် အထူးတလည် မော်ကွန်းတင်ရမည့် “တသာသနာတွင်မှ တယောက်” ဆိုလောက်သော မထေရ်မြတ်ဖြစ်သည်။ မြတ်စွာဘုရား ၄၅-၀ါကာလပတ်လုံး ဟောကြားတော်မူသော တရားဒေသနာ အားလုံးကို သူမတူ နာယူမှတ်သားနိုင်သော ဉာဏ် ၀ီရိယ သတိ သမာဓိတရား အားကောင်းသူဖြစ်သည်။ မျက်ကွယ်တွင် ဟောအပ်သော တရားတို့ကိုလည်း မြတ်စွာဘုရားက အကျဉ်းချုပ်ပြန်ဟောပြသဖြင့် တရားဓမ္မရေးရာ သူမသိတာမရှိ အပြည့်အစုံ စုဆောင်းထားသော ဓမ္မဘဏ္ဍာတိုက်ကြီးပင်ဖြစ်သည်၊ “ဓမ္မဘဏ္ဍာဂါရိက = တရားဘဏ္ဍာစိုးကြီး”ဟုပင် ဂုဏ်ပြုခံရသည်။

မြတ်စွာဘုရားရှင်ထံ အနယ်နယ်မှ ရောက်လာသော ဘုရားဖူးများကိုလည်း ကာလဒေသ ပုဂ္ဂိုလ်လိုက်၍ စနစ်တကျ ဖူးတွေ့ခွင့်
ရအောင် စီစဉ်တတ်သူလည်းဖြစ်သည်၊ အမျိုးသမီးတို့အတွက် နိဗ္ဗာန်လမ်းပွင့်စေမည့် ဘိက္ခုနီသာသနာတော်တစ်ရပ်ကို ထူထောင်ခွင့်ရအောင် အားပေးကူညီခဲ့သူ လည်းဖြစ်သည်။ နန်းတွင်းသူ နန်းတွင်းသားများကိုလည်း သာသနာနှင့်ယဉ်ပါးအောင် တရားဓမ္မသင်ပြဟောပြောပေးရသူလည်း ဖြစ်သည်၊ မြတ်စွာဘုရား၏ ကိစ္စအ၀၀ကို မငြီးမငြူ တလေးတစား အခါအားလျော်စွာ စီမံခန့်ခွဲတတ်သူလည်း ဖြစ်သည်၊ သာသနာတော်အရှည်တည်တံ့ရေး အတွက် ပထမသံဂါယနာပွဲကြီးတွင် သုတ္တန္တပိဋကနှင့် အဘိဓမ္မပိဋက ၀ိဿဇ္ဇက(အဖြေရှင်)အဖြစ် တာဝန်ယူတော်မူခဲ့သည်။

အရှင်သာရိပုတ္တရာ မထေရ်မြတ်မှာ တပည့်သာဝကတို့တွင် "အမြတ်ဆုံး အဂ္ဂသာဝက မထေရ်ကြီး" နှစ်ပါးအနက်
လက်ယာတော်ရံ အဂ္ဂသာဝကကြီးဖြစ်သည်၊ မြတ်စွာဘုရားမှတပါး ပညာအရာတွင် ပြိုင်ဘက်ကင်းသော မထေရ်ကြီးဖြစ်သည်။

မြတ်စွာဘုရားသည် တရားမင်း(ဓမ္မရာဇ်) ဖြစ်တော်မူ၍ အရှင်သာရိပုတ္တရာကား တရားစစ်သူကြီး(ဓမ္မသေနာပတိ)
ဖြစ်တော်မူသည်၊ မြတ်စွာဘုရား၏ အားအထားရဆုံးသော တပည့်ကြီးဖြစ်သည်၊ လူဝတ်ကြောင် ဘ၀ကပင်
လောကီဝေဒကျမ်းများနှင့် ၀ါဒရေးရာကျမ်းများ၌ ပြိုင်ဘက်မရှိ ကျွမ်းကျင်သူဖြစ်သည်၊ သာသနာတော်သို့ ၀င်ရောက်လာသောအခါ လူမျိုးစုံတို့ကို အသိဉာဏ် အလင်းရောင် ပေးဝေခဲ့သည့် သာသနာ့အာဇာနည်ကြီးတို့ကို အသိဉာဏ် အလင်းရောင် ပေးဝေခဲ့သည့် သာသနာ့အာဇာနည်ကြီး ဖြစ်ပေသည်။ ထိုအရှင်မြတ်၏ ဘ၀ဖြစ်စဉ်မှာ အောက်ပါအတိုင်း ဖြစ်သည်။

လွန်ခဲ့သော တစ်အသင်္ချေနှင့် ကမ္ဘာတစ်သိန်း ကာလက"အရှင်သာရိပုတ္တရာ" အလောင်းလျာသည် ပုဏ္ဏားသူဌေးမျိုး၌
ပုဏ္ဏားသူဌေးမျိုး၌ "သရဒ" ဟူသော အမည်ဖြင့်လည်းကောင်း၊ "အရှင်မဟာမောဂ္ဂလ္လာန်" အလောင်းလျာသည် သူကြွယ်မျိုး၌
"သီရိဝဍ္ဎန" ဟူသော အမည်ဖြင့်လည်းကောင်း ထင်ရှားခဲ့ကြသည်။

“အရှင်မဟာမောဂ္ဂလ္လာန် မထေရ်”
•••••••••••••••••••••••••••••••••••••••••••
အရှင်မဟာမောဂ္ဂလ္လာန်သည် “လက်ဝဲတော်ရံ အဂ္ဂသာဝကမထေရ်မြတ်” ဖြစ်သည်။
မထေရ်မြတ်မှာ ဘုန်းတန်ခိုးအာနုဘော် ကြီးမားလှသဖြင့်မြတ်စွာဘုရား အားထားရသော ခေါင်းဆောင်မထေရ်ကြီး
တစ်ပါး ဖြစ်သည်။ နန္ဒောပနန္ဒာနဂါးကို မာန်စွယ်ကျိုးအောင် ဆုံးမတော်မူပြီး မြတ်စွာဘုရားထံ ခေါ်ဆောင်ခဲ့ကာ သရဏဂုံတည်စေခဲ့သည်။
နတ်ပြည်သို့ကြွ၍လည်း နတ်သားနတ်သမီးတို့၏ ဘ၀အကြောင်း လူ့ရွာ၊လူသား ဒကာ ဒကာမများအား အဖြစ်မှန်ကို ပြန်လည်ဟောပြ အားကျစေခဲ့သည်၊ ငရဲဘုံ ၊ ပြိတ္တာဘုံသို့ ကြွရောက်၍လည်း ဆင်းရဲဒုက္ခ ခံစားနေကြရသော ငရဲ ၊ပြိတ္တာတို့၏ ဘ၀ကို လူ့လောကမှ ဒကာ ဒကာမတို့အား အကုသိုလ်မူမပြုကြရန် ပြန်လည်ဟောပြတော်မူသည်။
အဂ္ဂသာဝကမထေရ်နှစ်ပါးသည်“နေနှင့်လ” ပမာ လွန်စွာ ထင်ရှားသည့် သာသနာကျက်သရေဆောင်ကြီးများ ဖြစ်ကြသည်။
အရှင်မဟာမောဂ္ဂလ္လာန်အလောင်းလျာသည် လွန်ခဲ့သော တစ်အသေင်္ချေနှင့် ကမ္ဘာတစ်သိန်းကာလက “သီရိဝဍ္ဎ” ဟူသော အမည်ဖြင့် ဥစ္စာကြွယ်ဝသည့် သူကြွယ်မျိုး၌ ဖြစ်ခဲ့သည်။
အရှင်သာရိပုတ္တရာအလောင်း သရဒလုလင်နှင့် အတူတကွ ကစားဖော်ငယ်သူငယ်ချင်းများ ဖြစ်ခဲ့ကြသည်၊
“အနောမဒဿီ မြတ်စွာဘုရား” ထံတော်တွင် “သရဒရသေ့” သည် လက်ယာတော်ရံ အဂ္ဂသာဝကဆုပန်ဆင်ပြီးသော အခါ သရဒရသေ့၏ တိုက်တွန်းချက်အရ ဘုရားအမှူးရှိသော သံဃာတော်တစ်သိန်းတို့အား ၇-ရက်လုံးလုံး ဆွမ်းသင်္ကန်းများလှူဒါန်းကာ “လက်ဝဲတော်ရံ အဂ္ဂသာဝကဆု”ကို ပန်ဆင်ခဲ့လေသည်။
“အနောမဒဿီ မြတ်စွာဘုရား”က “နောင်အခါ ပွင့်လတ္တံ့သော ဂေါတမမည်သော ဘုရားရှင်လက်ထက်တော်၌ “မောဂ္ဂလ္လာန်”ဟူသောအမည်ဖြင့် အဂ္ဂသာဝကမထေရ်မြတ် ဖြစ်လိမ့်မည်”ဟု ဗျာဒိတ်ပေးတော်မူခဲ့ လေသည်။

အဂ္ဂသာဝက လောင်းလျာ နှစ်ဦးတို့သည် သံသရာဝယ် ပါရမီဖြည့်စဉ်ကလည်း များသောအားဖြင့် အတူတကွ
ဖြည့်ခဲ့ကြပြီး နောက်ဆုံးဘ၀၌လည်း အတူတကွ လက်တွဲခဲ့ကြသည်။
နောက်ဆုံးဘ၀၌ ရာဇဂြိုဟ်မြို့တော်အနီး ကောလိတရွာတွင် မောဂ္ဂလိအမည်ရှိသော ပုဏ္ဏေးမ၏၀မ်းဝယ် ပဋိသန္ဓေယူခဲ့သည်။
ကောလိတရွာတွင် အကြီးအကဲအမျိုး၏ သားဖြစ်သောကြောင့် “ကောလိတ” ဟု အမည်မှည့်ကြကုန်၏။ “အရှင်သာရိပုတ္တရာအလောင်း ဥပတိဿနှင့် အရှင်မဟာမောဂ္ဂလ္လာန်အလောင်း ကောလိတ” တို့သည် ဝေဒသုံးပုံ အတတ်ပညာမျိုးစုံ တို့ကို တတ်ကျွမ်းခဲ့ကြသည်။
ကောလိတလုလင်တွင် အာဇာနည်မြင်းကသော ရထားငါးရာ အဆောင်အယောင် ရှိသည်။ သူငယ်ချင်း နှစ်ယောက်တို့သည် တောင်ထိပ်ပွဲသဘင်ကို နှစ်စဉ် အတူတကွ ပျော်ရွှင်စွာကြည့်ခဲ့ကြပြီး နောက်ဆုံးနှစ်တွင် သံဝေဂတရားရရှိက သိဉ္စည်းပရိဗိုဇ် ဆရာကြီးထံ ရဟန်းပြုခဲ့ကြသည်။
နောင်အခါ အရှင်အဿဇိထံမှ နာယူခဲ့ရသော တရားဂါထာကို ဥပတိဿ ပြန်လည်ဟောပြ၍ ကောလိတလည်း သောတာပန်ဖြစ်လာသည်၊ ထို့နောက် ရာဇဂြိုဟ် ဝေဠုဝန်ကျောင်းတော်၌ သီတင်းသုံးနေတော်မူသော မြတ်စွာဘုရားထံ ရောက်ရှိလာကြကာ မဟာသက္ကရာဇ် ၁၀၃-ခုနှစ်၊ တပို့တွဲလဆန်း ၁-ရက်နေ့၌ ဧဟိ ဘိက္ခုရဟန်းဖြစ်လာသည်၊
တပို့တွဲလဆန်း ၈-ရက်နေ့တွင် မဂဓတိုင်း ကလ္လ၀ါလရွာကို အမှီပြု၍ ရဟန်းတရားအားထုတ်ကာ သာဝက ပါရမီဉာဏ်၏ အထွတ်အထိပ်သို့ ရောက်တော်မူပြီး ရဟန္တာဖြစ်တော်မူသည်။ တပို့တွဲလပြည့်၌ ကျင်းပသော
ပထမသာဝကသန္နိပါတ သံဃာ့အစည်းအဝေးကြီးတွင် “အရှင်မဟာမောဂ္ဂလ္လာန်”ဟူသော အမည်ဖြင့် လက်ဝဲတော်ရံ
အဂ္ဂသာဝကအရာ ရတော်မူသည်။
နောင်အခါ သာဝတ္ထိမြို့ ဇေတ၀န်ကျောင်းတော် သံဃာ့အစည်းအဝေးပွဲကြီးတွင် “တန်ခိုးအရာ ပြိုင်ဘက်ကင်းသော ဣဒ္ဓိမန္တ ဧတဒဂ်ဘွဲ့”ချီးမြှင့်ခြင်းခံရသည်။
မြတ်စွာဘုရားသည် သံဃာတော်များနှင့်အတူ ဝေရဉ္ဇာမြို့၌ ၀ါဆိုတော်မူစဉ် မာရ်နတ်၏ နှောင့်ယှက်မူကြောင့်
သံဃာတော်တို့အား ဆွမ်းလောင်းလှူရန် မေ့လျော့နေကြသဖြင့် ဆွမ်းအခက်အခဲကြုံခဲ့ဖူးသည်၊ ထိုအခါ အရှင်မဟာ မောဂ္ဂလ္လာန်မထေရ်က “လက်တစ်ဖက်ကို ကမ္ဘာမြေအသွင် ဖန်ဆင်းကာ ကမ္ဘာမြေကြီးပေါ်ရှိ သတ္တ၀ါ ရေ မြေ တော ၊တောင် ၊ သမုဒ္ဒရာ မြို့ရွာ နယ်ပယ်တို့ကို ပြောင်းရွှေ့ထားပြီးမှ လက်တစ်ဖက်ဖြင့် မြေကြီး၏ အတွင်းပိုင်းကို လှန်လျောကာ မြေဆီသြဇာကိုဆောင်ယူ၍ သံဃာတော်တို့အား ဆက်ကပ်ပါမည်။” ဟု လျှောက်ထားရာ မြတ်စွာဘုရား ခွင့်ပြုတော်မမူချေ။
ဘုန်းတန်းခိုးနည်းသော ရဟန်းတို့လက်ထက်တွင် ဒကာ ၊ ဒကာမတို့ အပြစ်တင်ကာ အကုသိုလ်ဖြစ်ကြမည် စိုးသောကြောင့် ဖြစ်၏။
မြတ်စွာဘုရားသည် စာတုမမြို့ သျှိသျှားတောကျောင်း၌ သီတင်းသုံးနေစဉ် အရှင်သာရိပုတ္တရာနှင့် အရှင်မောဂ္ဂလ္လာန် တို့သည် စာတုမရွာသို့ ရဟန်းငါးရာနှင့် အတူ ဆိုက်ရောက်လာကြသည်။ အာဂန္တုရဟန်းများနှင့် အာဝါသိကရဟန်းတို့ ကျယ်လောင်ဆူညံစွာပြောဆိုနေကြသည်ကို မြတ်စွာဘုရားကြားတော်မူလျှင် “တံငါသည်တို့ ငါးလုသကဲ့သို့ ဆူညံစွာ ပြောဆိုနေကြဘိသည်” ဟု မိန့်တော်မူပြီး နှင်ထုတ်တော်မူခဲ့သည်။
စတုမမြို့သား သာကီဝင်မင်းသားများက “မြတ်စွာဘုရား - ဤရဟန်းတော်တို့သည် သာသနာတော်သို့
ဝင်ရောက်လာသည်မှာ မကြာသေးပါ၊ ရဟန်းသစ်များသာဖြစ်ကြပါသည်။
သာသနာတော်၏ အဆုံးအမကို ရရှိရန် မြတ်စွာဘုရားထံ လာရောက်ကြခြင်းဖြစ်ပါသည်။ ပေါက်သစ်စ ကောက်ပင်ငယ်သည်ရေကို မရလျှင် ပျက်စီးနိုင်သကဲ့သို့လည်းကောင်း၊နွားသားငယ်သည် ပျောက်နေသော မိခင်နွားမကြီးကို ရှာမတွေ့လျှင် အားကိုးမဲ့ကာ ပျက်စီးရာသကဲ့သို့လည်းကောင်း ၊မြတ်စွာဘုရားကို မဖူးတွေ့ကြရသည်ရှိသော် နစ်နာဆုံးရှုံး သွားနိုင်ကြပါသည်၊ သံဃာတော်များကို ပြန်လည် လက်ခံတော်မူပါ မြတ်စွာဘုရား”ဟု လျှောက်ထားကြသဖြင့်ပြန်လည် လက်ခံတော်မူသည်။
ထိုကိစ္စကို “သဟမ္ပတိဗြဟ္မာကြီး”ပင် ၀င်ရောက် တောင်းပန်ခဲ့ရလေသည်။ အရှင်သာရိပုတ္တရာနှင့် အရှင်မောဂ္ဂလ္လာန် တို့သည် ထိုရဟန်းသစ်သံဃာငါးရာကို ခေါ်ဆောင်ပြီး မြတ်စွာဘုရားထံတော်သို့ အဆုံးအမခံယူရန် ရောက်လာကြရာ မြတ်စွာဘုရားရှင်က -
“သံဃာများကို ငါဘုရားနှင်ထုတ်သောအခါ သင်သည် မည်သို့ သဘောထားသနည်း”ဟု အရှင်သာရိပုတ္တရာကို
မေးတော်မူသောအခါ မထေရ်ကြီးက “မြတ်စွာဘုရားသည် သံဃာတော်အပေါ်၌ တစုံတရာ ကြောင့်ကြ စိုက်တော် မမူတော့ဘဲ ဖလသမာပတ်ဖြင့် ချမ်းသာစွာနေတော်မူလိုသည် ဖြစ်မည်။
ငါလည်း မြတ်စွာဘုရားရှင် ကဲ့သို့ပင် ဖလသမာပတ်ဖြင့် ချမ်းသာစွာ နေတော့မည်။” ဟု အောက်မေ့ကြောင်း လျှောက်ထားသည်။
တဖန် အရှင်မောဂ္ဂလ္လာန်ကို မည်သို့သဘောထားကြောင့် မေးတော်မူရာ “မြတ်စွာဘုရားသည် သမာပတ်ချမ်းသာဖြင့်
ငြိမ်းအေးစွာစံနေတော်မူလိုဟန်ရှိသည်၊ ယခုအခါ ငါသည် အရှင်သာရိပုတ္တရာနှင့်အတူ သံဃာတော်တို့ကို
စောင့်ရှောက်ဦးဆောင်ရန် အချိန်တန်နေပြီ”ဟု သဘောထားကြောင်း လျှောက်ထားလေသည်။
မြတ်စွာဘုရားရှင်သည် အရာရာ၌ တာဝန်ကိုမရှောင်၊ဦးဆောင်သည့်စိတ်ဓာတ်များ ဖြစ်ပွားစေတော်မူလိုသဖြင့်
ဤကိစ္စ၌ အရှင်မဟာမောဂ္ဂလ္လာန် လျှောက်ထားသည်ကိုသာကောင်းချီးသာဓု ပေးတော်မူလေသည်။
တခါက “ဒေ၀ဒတ်”၏ သင်းခွဲ ဆွဲဆောင်မူနောက်သို့ လမ်းမှားစွာ လိုက်ပါသွားသော ရဟန်းတော်များကို
ပြန်လည်သိမ်းသွင်းရန် အဂ္ဂသာဝကနှစ်ပါး လိုက်ပါသွားခဲ့သည်။
အရှင်သာရိပုတ္တရာက ပညာဖြင့်စည်းရုံသကဲ့သို့ ၊ အရှင်မောဂ္ဂလ္လာန်က တန်ခိုးဖြင့်သိမ်းသွင်းကာ ညာလက်ရုံး အားထားရသူများ ပီပီ တာဝန်သိသိ လွဲမှားသူများကို ပြန်လည်သိမ်းသွင်းပြီး လမ်းမှန်ရောက်စေခဲ့သည်။
မြတ်စွာဘုရားထံသို့အရောက် ပြန်လည်ခေါ်ဆောင်နိုင်ခဲ့ကြသည်။
“အရှင်မောဂ္ဂလ္လာန်မထေရ်မြတ်”၏ နတ်ပြည်ကိုယ်တွေ့ ၊ငရဲပြည်ကိုယ်တွေ့ တရားတော်များကြောင့် လူတို့သည်
အလှူဒါန ဥပုသ်သီလ သမထ၀ိပဿနာ ကုသိုလ်ကောင်းမှုပြုလုပ်ရန် ထက်သန်လာကြသည်။ ဗုဒ္ဓသာသနာတော်ကို
ပို၍ ကိုးကွယ်ဆည်းကပ်လာကြသည်။
သာသနာတော် စည်ပင်ပြန့်ပွား ထွန်းကားတိုးတက်လာသည်နှင့်အမျှ ဘုရားအမည်ခံထားကြသော တိတ္ထိဆရာကြီး များ အဖို့ ကိုးကွယ်သူနည်းပါး လာဘ်သပ္ပကာ ရှားလာပြီး နေမင်း၏ ရောင်ဝါအောက်ဝယ် ပိုးစုန်းကြူးပမာ
မှေးမှီန်ပျောက်ကွယ်စ ပြုလာကြသည်။
ထို့ထက် အရှင်မဟာမောဂ္ဂလ္လာန်မထေရ်သည် ဒကာ ၊ဒကာမတို့ အား ငရဲပြည်အကြောင်း ဟောပြတော်မူရာ၌
မိစ္ဆာဒိဋ္ဌိအယူရှိသူများသည် မည်သို့မည်ပုံ ငရဲ၌ ဆင်းရဲကြီးစွာခံနေကြရကြောင်း ဟောကြားတော်မူ၍
အရှင်မဟာမောဂ္ဂလ္လာန် အပေါ် “တတ္ထိ” တို့သည် အညှိုးထားလာကြသည်။
သာသနာပြင်ပ ဂိုဏ်းအသီးသီးမှ တတ္ထိတို့သည် “သုန္ဒရီ ပရိဗိုဇ်မ၊ စိဉ္စမာန၀ိကာ” စသော အသိဉာဏ်နည်းသည့်
မိန်းမသားများကိုပင် အသုံးပြု၍ ဘုရားရှင်၏ ဂုဏ်သရေကို ဖျက်ဆီးရုံမျှမက တန်ခိုးကြီးသည့်အရာတွင် နာမည်ကျော်လှသည့် အရှင်မောဂ္ဂလ္လာန်ကဲ့သို့သော ပုဂ္ဂိုလ်မြတ်ကြီးကိုပင်လျှင် လုပ်ကြံသတ်ဖြတ်ရန် ကြံစည်လာကြသည်။
ထိုအကြံအစည်ထမြောက်ရန် မထေရ်မြတ်၏ အတိတ်ကံကလည်း ဖန်လာခဲ့သည်။
အရှင်မောဂ္ဂလ္လာန်သည် သံသရာကျင်လည်စဉ် ဘ၀တစ်ခုကမယားမိုက်၏ စကားကို နားထောင်ကာ ကျေးဇူးကြီးလှ
မိနှင်ဘတို့ကို သူခိုးဓားပြယောင်ဆောင်၍ ရိုက်နှက်ခဲ့ဖူးသည်။ ထိုအကုသိုလ်ကံက အကျိုးပေးရန် အခွင့်ရောက်လာ၍
တန်ခိုးအရာ ပြိုင်ဘက်ကင်းသူဖြစ်သော်လည်း ရှေးကြမ္မာဝဋ်ကား မလွတ်သာခဲ့ချေ၊ “၀ဋ်မှာအမြဲ ငရဲမှာအပ” ဟူသော
ဆိုရိုးစကားအရ ငရဲကို အရိယာမဂ်ဖြင့် ပယ်ဖျောက်နိုင်သော်လည်း အတိတ်ဘ၀ ၀ဋ်ကြွေးကိုမူ ရှောင်လွဲ၍မရ၊ ပြန်လည်ပေးဆပ်ရသည်။
တိတ္ထိတို့၏ ငွေကြေးပေး ခိုင်းစေမူကြောင့် ခိုးသားငါးရာတို့သည် အရှင်မဟာမောဂ္ဂလ္လာန် ကိုယ်တော်မြတ်ကြီးကို
ရိုက်နှက်သတ်ဖြတ်ရန် ချောင်းမြောင်းနေကြသည်၊ ပထမအကြိမ် ၊ ဒုတိယအကြိမ် နှစ်ကြိမ်တိုင်တိုင် ဈာန်တန်ခိုးဖြင့်
ကောင်းကင်ပျံကာ ရှောင်တိမ်းနိုင်သော်လည်း ၊ တတိယအကြိမ်မှာမူ ၀ဋ်ကြွေးကြုံလာပြီဖြစ်သဖြင့် အတောင်ကျိုးသော ငှက်ငယ်ပမာ ဈာန်အစွမ်း မပြနိုင်တော့ဘဲ ကံတရား၏ စီမံမှုကို ခံရလေတော့သည်။
အရှင်မောဂ္ဂလ္လာန်မထေရ်မြတ်ကြီး၏ ဘ၀ဖြစ်စဉ်တော်က ကံတန်ခိုး ၊ ဈာန်တန်ခိုးနှင့် ဉာဏ်တန်ခိုးတို့ကို
ချိန်ထိုးညွှန်ပြတော်မူခဲ့လေပြီ။
ခိုးသားငါးရာတို့ စိတ်တိုင်းကျ ထောင်းထုသဖြင့် ဖွဲအိပ်ပမာ ညက်ညက်ကြေနေသော ခန္ဓာကိုယ်ကို မထေရ်မြတ်သည်
သမာပတ်တန်ခိုးဖြင့် ပြန်လည်ထိန်းပြီး မြတ်စွာဘုရားထံအရောက် ကြွတော်မူခဲ့သည်။ မြတ်စွာဘုရားအား ရှိခိုးပြီး ၊ပရိနိဗ္ဗာန်ပြုခွင့်တောင်းလေရာပရိနိဗ္ဗာန်မပြုမီ ဘုရားရှင်၏ တိုက်တွန်းတော်မူချက်အရ ရဟန်းသံဃာများကို တန်ခိုးအမျိုးမျိုးပြကာ တရားဟောတော်မူရသည်။
မြတ်စွာဘုရားကို နောက်ဆုံး ရှိခိုးခြင်းဖြင့် ရှိခိုးပြီး ဇေတ၀န်ကျောင်းတော်မှထွက်ကာ၊ရာဇဂြိုဟ်မြို့တော်
ဣသိဂိလိတောင်ယံ ကာဠသိလာကျောက်ဖျာထက်၌ မဟာသက္ကရာဇ် ၁၄၈-ခုနှစ်၊ တန်ဆောင်မုန်းလကွယ်နေ့၌
ပရိနိဗ္ဗာန်ပြုတော်မူသွားလေသည်။
မြတ်စွာဘုရားနှင့် သံဃာတော်တို့သည် ရာဇဂြိုဟ်သို့ကြွလေတော်မူကြပြီး အရှင်မြတ်၏ ရုပ်ကလာပ်တော်ကို မီးသင်္ဂြိုဟ်တော်မူကာ ဓာတ်တော်များကို “ဝေဠုဝန်ကျောင်းတော် တံခါးမုခ်အနီး” ၌ ဓာတုစေတီ တည်ထားစေတော်မူလေသည်။
အရှင်မဟာမောဂ္ဂလ္လာန်မထေရ်မြတ်ကြီး ကျူးရင့် ဟောကြားတော်မူလေ့ရှိသော သြ၀ါဒတရားတော် -
ယေ စ ပဿန္တိ သင်္ခါရေ၊ ပရတော နော စ အတ္တတော။ပစ္စဗျာဓိံသု နိပုဏံ၊ ၀ါလဂ္ဂံ ဥသုနာ ယထာ။
ရုပ် ဝေဒနာ သညာ သင်္ခါရ ၀ိညာဏ်ဟူသော ခန္ဓာငါးပါးတို့ကို “အနှစ်သာရရှိ၏၊ အလိုသို့လိုက်ပါ၏၊ အစိုးရ၏(အတ္တ)”ဟု မရှုမြင်ဘဲ ထိုခန္ဓာငါးပါးတို့သည် အနှစ်သာရမရှိ၊ အလိုသို့မလိုက်၊ အစိုးမရ(အနတ္တ)ဟု ရူမြင်သော ပုဂ္ဂိုလ်သည် အစိတ်တစ်ရာစိတ်၍ ထားအပ်သော သာမြီးဖျား၏ တစ်စိတ်မျှကိုပင် မြားဖြင့် မှန်အောင် ပစ်နိုင်စွမ်းရှိသူကဲ့သို့ အလွန်သိမ်မွေ့သော အနက် အဓိပ္ပာယ် သဘောတရားကို ထိုးထွင်း၍ သိနိုင်ပေ၏။
နယိဒံ သိထိလမာရဗ္ဘ၊ နယိဒံ အပ္ပေန ထာမသာ။နိဗ္ဗာန မဓိဂန္တဗ္ဗံ၊ သဗ္ဗဂန္ထပမောစနံ။
အလုံးစုံသော ဂန္ထတရားတို့မှ လွတ်မြောက်ရာ နိဗ္ဗာန်ကို ပေါ့ပေါ့ လျော့လျော့ အားထုတ်ရုံမျှဖြင့်
မရရှိနိုင်၊ နိဗ္ဗာန်ကို အနည်းငယ်မျှသော ၀ီရိယအစွမ်းဖြင့် မရရှိနိုင်။
န ဝေ အဂ္ဂိ စေတယတိ၊ အဟံ ဗာလံ ဍဟာမီတိ။
ဗာလောဝ ဇလိတံ အဂ္ဂိံ၊ အာသဇ္ဇ နံ ပဍယှတိ။
မီးသည် “လူမိုက်ကို ပူလောင်စေအံ့”ဟု လုံ့လမပြုပေ။
အလျှံတပြောင်ပြောင် တောက်လောင်သော မီးကို
လူမိုက်ကိုယ်တိုင်က ကိုင်တွယ်ထိတွေ့ခြင်းကြောင့်သာ ပူလောင်စေ၏။

[ ပြည်ထောင်စု မြန်မာနိုင်ငံတော်အစိုးရ သာသနာရေးဝန်ကြီးဌာန
ဗုဒ္ဓဘာသာတရားတော် (အဆင့်မြင့်) စာအုပ်မှ - ]


မှ ပြန်လည်မျှဝေပါသည်။

(စိမ့်စမ်းရေ ဆိုဒ်မှ ကူးယူဖော်ပြပါသည်...) 

"မဟာဗုဒ္ဓ၀င်၊စတုတ္ထတွဲ"-စာမျက်နှာ(၅၅) ၌ ပါရှိသော "ဗုဒ္ဓ"မြတ်စွာဘုရား "ကသိဘာရဒ္ဓါဇ ပုဏ္ဏားကြီး"ထံကြွရောက်၍ တရားဟောချေ ချွတ်ရသည့် အကြောင်းကို ဖတ်ရပါသည်။

http://www.dhammavideo.com/media/4907/1/ <<< ဓါတ်ပုံကို ဒီနေရာမှကူးယူဖော်ပြပါသည်...။

ကျေးဇူးတင်ပါတယ်...

ဇင်မျိုး...

“သံဃာဟူသည်”
************
သံဃာဆိုတဲ့အဓိပ္ပါယ်က ရှင်းရှင်းပြောရရင် အဖွဲ့အစည်းတစ်ခုလို့ အဓိပ္ပါယ် ထွက်ပါတယ်။ ဒါကို ထပ်ခွဲရင် ပရမတ္ထသံဃာ၊ သမုတိသံဃာဆိုပြီး နှစ်မျိုးထွက်လာတာ တွေ့ရမယ်။ ပရမတ္ထသံဃာဆိုတာ သစ္စာလေးပါးကို ထိုးထွင်းသိပြီး ရဟန္တာအရှင်မြတ်များကို ဆိုလိုပါတယ်။ သမုတိသံဃာဆိုတာကတော့ သိမ်ထဲမှာ ဥတ္တိစတုတ္ထကမ္မ၀ါစာနဲ့ ရဟန်းဖြစ်ခဲ့ပြီး မြတ်စွာဘုရားစကားတော်တွေကို လိုက်နာကျင့်ကြံနေတဲ့ ရဟန်းသံဃာကို ဆိုလိုပါတယ်။ သမုတိသံဃာဆိုပေမဲ့ မြတ်ဗုဒ္ဓကိုယ်တိုင် ဒီလိုရဟန်းဘောင်တက်ရမယ်လို့ ညွန်ကြားတော်မူခဲ့လို့ ရဟန်းဘောင်ရောက်လာသူပါ။ ဒါဆိုရင် သမုတိသံဃာဆိုတာ နားလည်လောက်ပြီ။

ရဟန်းလောင်းအား ရဟန်းဘောင်စတတ်ချိန်မှာ ရှောင်ရမည့်တရား၊ ဆောင်ရမည့်တရားတွေ ပြောပြရပါတယ်။ အဲဒီထဲမှာမှ ပါရာဇိကလေးပါးဆိုတာ ရဟန်းတစ်ပါးရဲ့ အသက်ပါပဲ။ ဒီတရားလေးပါး ရဟန်းတော်တွေ မကျူးလွန်မချင်း ရဟန်းပါပဲ။ နောက်ဆုံး အဲဒီရဟန်းဟာ ပြင်းပြင်းထန်ထန်ပညတ်ထားတဲ့ ဒီပါရာဇိကတရာလေးပါးကို မကျူးလွန်ပါပဲ အင်္ကျီအ၀တ်စားဝတ်လို့ သုံးနှစ် သုံးမိုး လယ်ထွန်ကုန်ရောင်းအလုပ်တွေ လုပ်နေစေဦးတော့။ သူဟာ သိက္ခာမချ၊ ထိုလေးပါးကို မကျူးလွန်မိသေးခဲ့လျှင် ရဟန်းပါပဲ။ ရဟန်းဖြစ်နေပေမဲ့ သီလတွေညိုးနေတာတော့ မပြောလိုတော့ပါဘူး။ အဓိကပြောချင်တာက လူမဖြစ်သေးဘူးဆိုတာကို ပြောချင်တာပါ။

ထိုလေးပါးကို မကျူးလွန်မိပါပဲ သုံးနှစ် သုံးမိုးအပြင်မှာ လယ်ထွန်ကုန်ရောင်းလုပ်နေတာတောင် ရဟန်းတစ်ပါးဟု ခေါ်ဆို၍ ရနိုင်သေးလျှင်(အဆုံးစွန်ထိ ပြောပြရခြင်းပါ။) ယခုခေတ်မှာ ထိုကဲ့သို့မဟုတ်ပါပဲ သာမန်အာပတ်အပြစ်လောက်ရှိသော ရဟန်းသံဃာများကို ပြင်းပြင်းထန်ထန်ရှုတ်ချ၊ ကဲ့ရဲ့ အပြစ်တင်နေကြသော သာမန်လူပုဂ္ဂိုလ်များ အပြစ်မည်သို့ ရှိကြမည်နည်း။

ဝိသာခါ၊ အနာထပိဏ်တို့ကဲ့သို့သော စိတ်ထားဖြင့် ဝေဖန်ထောက်ပြပါက သာသနာအတွက်အကျိုးရှိ၍ ထိုကဲ့သို့ မဟုတ်ပါဘဲ ကဲ့ရဲ့အပြစ်တင်လိုစိတ်ထားနဲ့ ပြစ်တင်ဝေဖန် ဆဲဆိုကြမည်လျှင် ထိုသူတို့ဘ၀ မသာမယာရှိမည်ဆိုတာ မြေကြီးလက်ခတ်မလွဲပါ။

ရဟန်းသံဃာကိုစော်ကားခြင်းကြောင့် စီးပွါးပျက်ခြင်း၊ အနာရောဂါစွဲကပ်ခြင်း၊ အိမ်မီးလောင်ခြင်း စတဲ့ သာဓကများ အချိန်ရပါက တင်ပြပေးပါအုံးမည်။ ထိုအတွက်ကြောင့် အမြင်မတော်တဲ့ ရဟန်း၊ သံဃာများအားဆဲဆိုအပြစ်တင်နေကြမည့်အစား သက်ဆိုင်ရာကျောင်းတိုက်၊ သာသနာရေး၊ အာဏာပိုင်များကို ဆက်သွယ်အကြောင်းကြားကာ အရေးယူကြမည်ဆိုလျှင် ကိုယ်လည်း အပြစ်ကင်း၊ သာသနာလည်း သန့်ရှင်းမည်ဖြစ်ပါသည်။
ထို့ကြောင့် “ ပြောမိကြံလျှင် သတိယှဉ်၊ ဆင်ခြင်ဥာဏ်ရှေ့သွား“ဆိုတဲ့ စကားလက်ကိုင်ထားလုိ့ စစ်မှန်သော စိတ်ထားဖြင့် ဝေဖန်ထောက်ပြသူများသာဖြစ်နိုင်ကြပါစေ။

မှတ်ချက်။ ။ ဒီလိုရေးရင် ရဟန်းသံဃာဘက်က လိုက်ရေးသည်ဖြစ်မှာစိုးသည့်အတွက် မရေးပဲ နေခဲ့တာကြာပါပြီ။ ယခုတော့ ပြောမှ သိမည်၊ သိမှ ရှောင်နိုင်မည်ဟု သတိဝင်မိသောကြောင့် ရေးသားလိုက်ခြင်းဖြစ်ပါတယ်။

“ဌေး”သာမဏေကျော်ဆရာတော်

မေး။……….။တပည့်တော်ရိုသေစွာမေးလျှောက်အပ်ပါသည်ဘုရား၊ရဟန်းတော်များလမ်းပေါ်ထွက်၍ဆန္ဒပြခြင်းသည်

မည်သည့်သိက္ခာပုဒ်များနှင့် ငြိစွန်း နေပါသနည်း။

( ကိုမြင့်သိန်း (စင်္ကာပူ))

ဖြေ။…………။ ဒီမိုကရေစီ မေးခွန်းဖြစ်တယ်။ (ရယ်သံများ)

ပက္ကာသနိယကံလုပ်တာ အခုရှင်းပြမယ်။ မြို့ထဲမှာ ဆန္ဒပြတယ်ဆိုတဲ့အခါမှာ သင်္ကန်းရုံပြီး ဝိနည်း သိက္ခာပုဒ်

မဖောက်ဖျက်ရင်တော့ဆန္ဒပြတယ်ဆိုတာနဲ့ သိ က္ခာပုဒ်ငြိစွန်းစရာ အကြောင်းမရှိဘူး။ ဆန္ဒ ကို ထုတ်ဖော်တာ

အများကိုသိအောင် လုပ်တယ်ဆိုတဲ့နေရာမှာတစ်ခုတော့မှတ်ရမယ်… Strike နဲ့ Riot ကိုကွဲအောင် ကြည့်ရမယ်။

Strike လုပ်တာလား Riot လား Riot ဆိုတာအကြမ်းဖက်တဲ့အဓိကရုဏ်းလုပ်တာ ဖျက်စီးတာ ဟိုဟာ

ရဟန်းပျိုနဲ့ အမျိုးသမီးများ ပေါင်းသင်းဆက်ဆံနည်း

တခါတုန်းက ဥဒေနဘုရင်မင်းဟာ အရှင်ပဏ္ဌောလဆိုတဲ့ ရဟန္တာမထေရ်ကို “အရှင်ဘုရား အသက်အရွယ် ငယ်ပြီး ပျိုမြစ်နုနယ်သော ရဟန်းငယ်တွေဟာ ကာမဂုဏ်အားရုံကို မခံစားပဲ အသက်ထက်ဆုံး ဘုရားသာသနာကို ဘယ်လိုအကျင့်မြတ် များနဲ့ နေထိုင် ကုန်ဆုံးကြတာလဲ ဘုရား” လို့ မေးပါတယ်။

ရဟန်းတော်က ဘုရင်မင်းကြီး ဘုရားဟောသည့်အတိုင်း “အမေအရွယ်ရှိသူကို အမေ. နှမအရွယ်ရှိသူကို နှမ. သမီးအရွယ်ရှိသူကို ...သမီး” လို့ စိတ်ထားကြပြီး နေထိုင်လို့ သာသနာမှာ ပျော်မွေ့ကြတယ်ဆိုတာကို ပြောပြပါတယ်။ ဘုရင်မင်းက ဒါလောက်နဲ့ မကျေနပ်တာမို့ အရှင်ဘုရား စိတ်ဆိုတာ မလွယ်ဘူးဘုရား အမေအရွယ် နှမအရွယ် သမီးအရွယ်လဲ တဏှာ ရာဂဆိုတာဖြစ်တယ်မို့လားဘုရား တခြားအကြောင်းများ ဘုရားဟော မရှိတော့ဘူးလား ဘုရားလို့ မေးပါတယ်။

အရှင်မြတ်က ဘုရင်းမင်းကြီး ဘုရားဟောသည့်အတိုင်း “ ချစ်သား ရဟန်းတို့ သင်တို့ လာကြကုန်လော့အပုတ်ကောင် ရုပ်ဆောင်ထားတဲ့ ဒီခန္ဓာကိုယ်မှာ ဆံပင် အမွှေး ခြေသည်း လက်သည်း သွား အရေ အသား အကြော အရိုး ရိုးတွင်းချင်ဆီ အညှိ နှလုံး အသည်း အမြှေး အဖျဉ်း အဆုတ် အူမ အူသိမ် အစာသစ် အစာဟောင်း သည်းခြေ သလိပ် ပြည် သွေး ချွေး အဆီခဲ မျက်ရည် ဆီကြည် တံတွေး နှပ် အစေး ကျင်ငယ် (၃၂)ကောဌာသ တရားတွေကို ရှုပြီးနေကြလို့ မိန့်မှာတော်မူတယ်” ဒီအတိုင်း ကျင့်ပြီး သာသနာမှာ ပျော်နေကြတယ်ဆိုတာကို ဟောပြပါတယ်။ အရှင်ဘုရား ဒါကလည်း အတော်ခက်ပါတယ် ဘုရား တခါတရံ အသုဘတောင် သုဘလို့ ထင်တက်ကြတယ်မဟုက်လား ဘုရား

၁။အရှင်အညာသိကောဏ္ဍည	၂။အရှင်ဝပ္ပ	၃။အရှင်ဘဒ္ဒိယ
၎။အရှင်မဟာနာမ်	၅။အရှင်အဿဇိ	၆။အရှင်နာဠက
၇။အရှင်ယသ	၈။အရှင်ဝိမလ	၉။အရှင်သုဗာဟု
၁၀။အရှင်ပုဏ္ဏဇိ	၁၁။အရှင်ဂ၀မ္ပတိ	၁၂။အရှင်ဥရုဝေလကဿပ
၁၃။အရှင်နဒီကဿပ	၁၄။အရှင်ဂယာကဿပ	၁၅။အရှင်သာရိပုတြာ
၁၆။အရှင်မဟာမောဂ္ဂလာန်	၁၇။အရှင်မဟာကဿပ	၁၈။အရှင်မဟာကစ္စည်း
၁၉။အရှင်မဟာကောဋ္ဌိက	၂၀။အရှင်မဟာကပ္ပိန	၂၁။အရှင်မဟာစုန္ဒ
၂၂။အရှင်အနုရုဒ္ဓါ	၂၃။အရှင်ကင်္ခါရေ၀တ	၂၄။အရှင်အာနန္ဒာ
၂၅။အရှင်နန္ဒက	၂၆။အရှင်ဘဂု	၂၇။အရှင်နန္ဒိယ
၂၈။အရှင်ကိမိလ	၂၉။အရှင်ဘဒ္ဒိယ	၃၀။အရှင်ရာဟုလာ
၃၁။အရှင်သီဝလိ	၃၂။အရှင်ဥပါလိ	၃၃။အရှင်ဒဗ္ဗ
၃၄။အရှင်ဥပသေန	၃၅။အရှင်ခဒိရ၀နိယရေ၀တ	၃၆။အရှင်မန္တာနိပုတ္တပုဏ္ဏ
၃၇။အရှင်သုနာပရန္တကပုဏ္ဏ	၃၈။အရှင်သောဏကုဋိကဏ္ဏ	၃၉။အရှင်သောဏကောဠိဝိသ
၄၀။အရှင်ရာဓ	၄၁။အရှင်သုဘူတိ	၄၂။အရှင်အင်္ဂုလိမာလ
၄၃။အရှင်ဝက္ကလိ	၄၄။အရှင်ကာဠုဒါယီ	၄၅။အရှင်မဟာဥဒါယီ
၄၆။အရှင်ပိလိန္ဒ၀စ္ဆ	၄၇။အရှင်သောဘိတ	၄၈။အရှင်ကုမာရကဿပ
၄၉။အရှင်ရဋ္ဌပါလ	၅၀။အရှင်ဝင်္ဂီသ	၅၁။အရှင်သဘိယ
၅၂။အရှင်သေလ	၅၃။အရှင်ဥပ၀ါဏ	၅၄။အရှင်မေဃိယ
၅၅။အရှင်သာဂတ	၆၁။အရှင်ဗာကုလ	၆၂။အရှင်ကုဏ္ဍဓာန
၆၃။အရှင်ဗာဟိယဒါရုစီရိယ	၆၄။အရှင်ယသောဇ	၆၅။အရှင်အဇိတ
၆၆။အရှင်တိဿမေတ္တေယျ	၆၇။အရှင်ပုဏ္ဏက	၆၈။အရှင်မေတ္တဂု
၆၉။အရှင်ဓောတက	၇၀။အရှင်ဥပသီဝ	၇၁။အရှင်နန္ဒ
၇၂။အရှင်ဟေမက	၇၃။အရှင်တောဒေယျ	၇၄။အရှင်ကပ္ပ
၇၅။အရှင်ဇတုကဏ္ဏီ	၇၆။အရှင်ဘဒြာဝုဓ	၇၇။အရှင်ဥဒယ
၇၈။အရှင်ပေါသလ	၇၉။အရှင်မောဃရာဇ	၈၀။အရှင်ပိင်္ဂိယ