HAZY LIFE

စေတီပုထိုးပုံတော်များ

ရွှေတိဂုံစေတီတော် ရန်ကုန်

ကျိုက်ထီးရိုးစေတီတော် မွန်ပြည်နယ်

ဥမင်သုံးဆယ်စေတီ စစ်ကိုင်း

စန္ဒမုနိဘုရား မန္တလေး

ကုသိုလ်တော်ဘုရား မန္တလေး

ကိုးသောင်းပုထိုးတော်ကြီးဂူတွင်း ရခိုင်ပြည်


ရဖို့ရန်ခဲယဉ်းပေမယ့် လူတိုင်းလိုချင်တဲ့အရာလေးမျိုးရှိတယ်လို့ ပတ္တကမ္မသုတ္တန်မှာ
မြတ်စွာဘုရားရှင်ဟောတော်မူခဲ့တယ်။ အဲ့ဒီလေးမျိုးက-
၁)      တရားသဖြင့် ချမ်းသာကြွယ်ဝခြင်း
၂)      အခြွှေရံပရိသတ်ပေါများခြင်း
၃)      ကျန်းကျန်းမာမာဖြင့် အသက်ရှည်ရှည်နေရခြင်း
၎)      ကွယ်လွန်ပြီးတဲ့နောက် နတ်ပြည်သို့ရောက်ရခြင်းတို့ဖြစ်တယ်။

လူရယ်လို့ဖြစ်လာပြီဆိုရင် သိတတ်စအရွယ်ကတည်းက သေဆုံးတဲ့အရွယ်အထိ
စားရေး၊ ဝတ်ရေး နေရေးလို့ခေါ်တဲ့ ဝတ္တရားသုံးပါးကို မဖြစ်မနေထမ်းဆောင်သွားရပါတယ်။
စားရေး၊ ဝတ်ရေး၊ နေရေးမှမပြည့်စုံရင် လူ့ဘဝရဲ့ချမ်းသာဆိုတာကို စဉ်းစားဖို့
တော်တော်ပဲ ခက်ခဲပါလိမ့်မယ်။
တကယ်တမ်းစဉ်းစားကြည့်တော့ လူ့ချမ်းသာဆိုတာဟာ
ပကတိပင်ကိုယ်သဘောအရ တကယ်ချမ်းသာနေလို့ လူ့ချမ်းသာလို့
ခေါ်တာမဟုတ်ပါဘူး။ အမြဲတမ်းညှဉ်းပမ်းနှိပ်စက်တဲ့ဒဏ်ကိုခံနေရတဲ့
ငရဲသားတွေရဲ့ဒုက္ခနဲ့စာရင် အဲ့ဒီဒုက္ခတွေက သက်သာခွင့်ရတာမို့
လူ့ချမ်းသာရယ်လို့ခေါ်ဆိုနေကြရတာ ဖြစ်ပါတယ်။

လူ့ဘဝချမ်းသာမှာ ရှိမှုချမ်းသာနဲ့ သိမှုချမ်းသာဆိုပြီးတော့ နှစ်မျိုးရှိပါတယ်။
ရှိမှုချမ်းသာဆိုတာက အာရုံခံစားမှု ဝေဒယိတသုခဖြစ်ပြီး သိမှုချမ်းသာဆိုတာကတော့
အာရုံတွေက လွတ်မြောက်ပြီး ငြိမ်းအေးမှုသက်သက် ဝိမုတ္တသုခပဲဖြစ်ပါတယ်။

သာမန်လူတွေကတော့ သိမှုချမ်းသာထက် ရှိမှုချမ်းသာကို
အလေးထားတတ်ကြတဲ့အတွက်ကြောင့်သိချင်တဲ့လူထက်
ရှိချင်တဲ့လူက ပိုပြီးတော့ များပြားလှပါတယ်။
မြင့်မြတ်တဲ့သူတော်စင်တွေနဲ့အရိယာအဆင့်တက်လှမ်းထားတဲ့
ဘုရားအစရှိတဲ့အရိယာပုဂ္ဂိုလ်တွေတော့ ရှိမှုချမ်းသာထက် သိမှုချမ်းသာကို
ပိုပြီးတော့ နှစ်သက်မြတ်နိုးတော်မူကြပါတယ်။

တကယ်တမ်းစဉ်းစားကြည့်ရင် ရှိတိုင်းလည်း မချမ်းသာပါဘူး။
ဘာတွေပဲရှိရှိ ဘယ်လောက်ပဲရှိရှိ အဲ့ဒီအရှိရဲ့နောက်က
အသိမလိုက်နိုင်ရင် အပူလှိုင်းတွေကပ်တတ်တာမို့
ရှိတဲ့အတွက်ကြောင့်ပဲ ပူရဆွေးရ ငိုကြွေးရနဲ့ ဆင်းရဲပင်ပန်းမှုကို ခံစားရတတ်ပါတယ်။
လူရဲ့စိတ်ဆိုတာဟာ အလွန်ပဲဆန်းကြယ်လှတာမို့ ကိုယ့်မှာရှိတဲ့အရာဝတ္ထုထက်
ကိုယ့်မှာမရှိတဲ့အရာဝတ္ထုကို ပိုပြီးတော့ သဘောကျနှစ်ခြိုက်နေတတ်ကြပါတယ်။
ကိုယ်လိုချင်တဲ့အရာဝတ္ထုကို ရရှိပိုင်ဆိုင်လာပြန်တော့လည်း အဲ့ဒီထက်ပိုကောင်းမယ်လို့
ထင်ရတဲ့အရာတစ်ခုက အစားထိုးဝင်ရောက်လာပြန်တယ်။

အဲ့ဒီလို အတော်မသတ်နိုင်တဲ့လောဘစိတ်ဟာ ပုထုဇဉ်ပုဂ္ဂိုလ်တွေရဲ့သန္တာန်မှာ အစဉ်အမြဲ
ကိန်းနေတတ်တာမို့ ပုထုဇဉ်သတ္တဝါတွေဟာ လောဘရဲ့သားကောင်တွေဖြစ်သွားကြရတာ
ဖြစ်ပါတယ်။

မြတ်စွာဘုရားရှင်က သတ္တဝါတွေ လောဘသားကောင်မဖြစ်စေဖို့ အရာရာကို ရောင့်ရဲတင်းတိမ်
တတ်ဖို့ နည်းလမ်းအမျိုးမျိုးနဲ့ဆုံးမသွန်သင်ခဲ့ပါတယ်။
မြတ်စွာဘုရားရှင်ဆုံးမခဲ့တဲ့ တရားတော်တစ်ပုဒ်က သန္တုဋ္ဌီ ပရမံ ဓနံ= ရောင့်ရဲတင်းတိမ်မှုဟာ
အမြင့်မြတ်ဆုံးဓနဥစ္စာဖြစ်တယ်တဲ့။

တင်းတိမ်ရောင့်ရဲမှုသန္တုဋ္ဌီဆိုတာ လူပျင်းလူညံ့တွေရဲ့ဆင်ခြေမဟုတ်ပါဘူး။
လိုချင်တာနဲ့ လိုအပ်တာကို ခွဲခြားသိရှိပြီး လိုချင်တာကို ချုပ်တည်း၊ လိုအပ်တာကိုသာ
ဖြည့်ဆည်းပေးလေ့ရှိတဲ့ လူပျော်လူတော်တွေရဲ့ အကျင့်စရဏတစ်ခုဖြစ်ပါတယ်။

တကယ်တော့ လူတွေ ချမ်းသာတယ်၊ ဆင်းရဲတယ်ဆိုတာဟာ အလိုပြည့်မှု၊ မပြည့်မှုကြောင့်ပါ။
လိုချင်တဲ့အလို၊ လိုအပ်တဲ့အလိုနှစ်မျိုးရှိရာမှာ လိုချင်တဲ့အလိုက စည်းကမ်းမရှိ ဘောင်အကန့်
အသတ်မရှိတဲ့သဘောကိုဆောင်ပြီး လိုအပ်တဲ့အလိုကတော့ စည်းကမ်းနဲ့တကွ
ဘောင်အကန့်အသတ်ရှိတဲ့သဘောကို ဆောင်ပါတယ်။
လိုအပ်တာကိုဖြည့်ဆည်း လိုချင်တာကို ချုပ်တည်းနိုင်တာဟာ ချီးကျူးစရာကောင်းတဲ့
လမ်းစဉ်တစ်ခုသာဖြစ်ပါတယ်။

မင်္ဂလာတရားတော်ထဲမှာ သန္တုဋ္ဌီမင်္ဂလာဆိုတာကို ဘုရားရှင်ထည့်သွင်းဟောတော်မူခဲ့ပါတယ်။
ရောင့်ရဲတင်းတိမ်စွာ နေရခြင်းဟာလည်း ကောင်းမြတ်တဲ့မင်္ဂလာတစ်ပါးဖြစ်ပါတယ်။

ဤအရှင်တို့ ငယ်ငယ်တုန်းက ဆရာတော်ကြီးက ညစဉ်ဘုရားဝတ်တက်ပြီးတိုင်း
“ရှိတာလေးနဲ့ ရောင့်ရဲ ထိုသူချမ်းသာမြဲ”
ဆိုတဲ့ လင်္ကာလေးကို သုံးခေါက်တိတိဆိုခိုင်းလေ့ရှိပါတယ်။
ကိုယ့်ရှိတာလေးနဲ့ရောင့်ရဲပြီး ကျေနပ်နေတတ်တာဟာ အလွန်ပဲချမ်းသာတဲ့တရားဖြစ်ပါတယ်။

လူ့ဘဝလူ့ခန္ဓာဆိုတာ ဒုက္ခသစ္စာအဆောက်အအုံကြီးဖြစ်လို့မို့ အဆိုးအပြစ်တွေကို
အကျိုးအချစ်အနေနဲ့ အကောင်းဘက်ကိုဆွဲယူပြီး ချမ်းသာအောင်နေတတ်ပါမှ
ကိုယ်လည်းချမ်းသာ စိတ်လည်းချမ်းသာနိုင်မှာပါ။

အကောင်းအလှတွေနဲ့တွေ့မှပဲ ကိုယ်ချမ်းသာစိတ်ချမ်းသာအောင်နေလိုက်တော့မယ်လို့
စိတ်ကူးထားရင်တော့ ခန္ဓာဒုက္ခ၊ ဘဝဒုက္ခတွေနဲ့အမြဲတစေ ကြုံတွေ့နေရတဲ့လူ့ဘဝမှာ
ချမ်းသာပျော်ရွှင်ဖို့အခွင့်အလန်းဆိုတာဟာ ရှာလို့တောင်ရမှာ မဟုတ်ပါဘူး။

ဒါ့ကြောင့် ကိုယ်ရတာလေးနဲ့ကျေနပ်ရောင့်ရဲပြီး တင်းတိမ်စွာနေတတ်မယ်ဆိုရင်တော့
ပျော်ရွှင်ချမ်းမြေ့ကြည်နူးမှုတွေကို ရကြမှာအမှန်ပါပဲ…..။

လူတိုင်းလူတိုင်း သန္တုဋ္ဌီမင်္ဂလာနဲ့ပြည့်စုံပြီး ဘဝသုခကို ခံစားနိုင်ကြပါစေ….။

Dhamma Garden Ashin